Pinnacle

22/05/2026

#💪

21/05/2026

19/05/2026

وانت بتشتغل؛ متجيش على دينك، متجيش على كرامتك، متجيش على مبادئك، وبس…


We building communications
We make the history

14/05/2026

#أحدـأحد

19/04/2026

في فرق كبير بين مهندس “بيخلص شغله”، ومهندس بيغير نتيجة المشروع.

المهندس اللي شغال وخلاص بيستنى التعليمات. ينفذ اللي قدامه بالحرف، يسلم المطلوب، ويقفل يومه وهو شايف إنه كده عمل اللي عليه. لو حصلت مشكلة يقول: “ما هو ده اللي اتطلب مني، محدش طلب مني حاجة تاني”.

أما المهندس المؤثر، فمش بيستنى المشكلة تحصل. بيسأل قبل ما ينفذ. بيراجع قبل ما يعتمد. بيقرأ العقد قبل ما يدخل في تنفيذ بند. مش بيشوف اللوحة كرسمة، بيشوفها التزام مالي وزمني وتعاقدي.

المهندس اللي شغال وخلاص بيتعامل مع يومه.
المهندس المؤثر بينجح مشروع وبيبص للمشروع بعد ست شهور من دلوقتي. فعشان كده دايماً تلاقيه سابق سواء كان مهندس مقاول او مهندس استشاري.

الأول وجوده بيكمل عدد، إنما التاني وجوده بيقلل مخاطر.

الموضوع مش خبرة عدد سنين وبس، الموضوع طريقة تفكير. هل أنت بتشتغل عشان تخلص المطلوب؟ ولا بتشتغل عشان تسيب أثر في جودة القرار، في فلوس المشروع، وفي ثقة الإدارة؟

لو حابب تعرف إسأل نفسك السؤال ده: لو بكرة مشيت من موقعك، هل حد هيحس إن في فرق حصل؟

13/04/2026

في هندسه الاتصالات في نقط مهمه بتميز مهندس عن التاني

النقط دي بتعتمد علي فهمك لنظام الاتصالات اللي بتشتغل عليه سواء Microwave Link او mobile network او optical او IP او IT system

هتكلم عن بعضها وأوضح مثال عملي

اولا في مصطلح اسمه survivability
ده بيوصف ببساطه قدره نظام الاتصالات علي انه يشتغل ويصمد تجاه الاعطال

هل ال survivability حاجة مهمه جدا ؟

ايوه طبعا و أهميتها تتناسب طرديا مع حجم ال data rate اللي بيشتغل عليها نظام الاتصالات
لذلك هي تعتبر نقطه أساسيه في أنظمة الاوبتيكال فايبر لانها بتشتغل علي حجم بيانات بالجيجا والتيرا بت في الثانية

المشكلات اللي ممكن تحصل في نظام الاتصالات نقدر نصنّفها لنوعين :

الاول link failure ومثال عليه لو حصل fiber cut او link performance degradation

الثاني equipment failure ومثال عليه لو حصل hardware defect لكارت في الكابينه مثلا switch او transponder او optical amp او حتي SFP

كمان عندنا مصطلح اسمه availability
ودي بتوصف الوقت اللي بتكون فيه ال node او ال network متاحه للعمل بشكل طبيعي وبتؤدي دورها

هو ايه بالظبط دور ال network علشان نكون فاهمين ؟

دور ال network هو نقل البيانات من نقطه التانيه

ده معناها ان ال availability بتعبر عن الوقت اللي بتشتغل فيه ال network nodes بكفاءة

ولو حصل مشكلة يبقه عندي حاجة اسمها unavailability

وفي مصطلح في نفس السياق اسمه MTBF
ومعناه mean time between failure
وده بيعبر عن الوقت اللي بيكون فيه نظام الاتصالات شغال قبل حدوث اعطال

وفي حاجة اسمها MTTR
معناها mean time to repair
وده بيعبر عن متوسط الوقت المطلوب لعمل repair لل failure اللي بيحصل في ال system

حد هيسال سؤال مهم وهو ايه العلاقه بين ال
Availability & MTBF and MTTR

في علاقه بينهم نقدر نوصفها بالمعادله دي

Availability = MTBF / ( MTBF + MTTR )