https://www.facebook.com/107388827550417/

AutoFlow, Abou Quer , Fleming , El raml 1, Cairo (2026)

21/03/2022

سمعت عن الـ Data Structure ؟

يا مساء الفل يا هندس .. يارب تكون بخير ومتحمس للمعلومات الجديدة ، صلي على نبيك كده وصحصحلي ، هنتكلم النهاردة عن هياكل البيانات أو زي ما قولتلك فوق إسمها Data Structure ، مين البتاعة دي ؟ ليه بنقولك تتعلمها ؟ وهنتعرف بشكل بسيط وسريع على كل حاجة تخص الموضوع ده.

------------------------------------------------------------------------
إيه هي هياكل البيانات ؟

تعالى قبل ما نعرفها خلينا ناخد مثال حلو وبسيط هيفهمك الكلام اللي هقوله بعد كده .. حضرتك قبل ما تطلع ترجمة جوجل كان عندنا حاجة إسمها القاموس ، اكيد عارفه يعني يا هندسة 😂ماله بقى القاموس ده ؟ لما كنت بتفتحه كده كنت بتلاقي الكلمات جواه مترتبة بشكل أبجدي Alphabetical اللي هو تلاقي حرف الـ A وبعده حرف الـ B وهكذا وهكذا 😂الحوار ده بقى مثال كويس على هيكلة البيانات، ومن هنا خلينا نروح لتعريف الهيكلة :
- يبقى هي طريقة لتجميع وترتيب البيانات بشكل معين ، ليه بقى ؟ عشان يكون أسهل وأسرع إجراء العمليات عليها وتكون الخوارزمية او الكود بتاعك عالي الكفاءة . فاهمني كده ؟ تعالى بقى نشوف أهمية الهياكل دي ...

-----------------------------------------------------------------
إيه أهمية هياكل البيانات ؟
لما الكود بتاعك يكبر كده ويبقى برنامج كبير هتحتاج تتعامل مع البيانات اللي في الكود بشكل سريع عشان تنجز ، تعالى نلخص أهمية الهياكل ف تلات نقط ..
سرعة معالجة البيانات : لما تتعامل مع كمية كبيرة من البيانات هتبقى عملية المعالجة حاجة مش بسيطة وبتاخد وقت كبير ، ف أنت هنا هتحتاج تختار هيكل مناسب لترتيب البيانات وحفظها لتسريع عملية المعالجة ..
سهولة الوصول والبحث عن البيانات : الهدف من الهيكلة إنك توصل ف وقت أقل للبيانات اللي أنت محتاجها وهتتعلم إزاي تفرز الحاجات دي من خلال الكورس ..
إستخدام أقل للذاكرة : بص يا هندس لما هتعمل هيكل كويس ترتب فيه بياناتك مش هيبقى عندك حاجات كتير ملهاش لازمة تاخد مساحة ف الذاكرة ، وبكده هيكون التطبيق أسرع ..
كده خلصنا أهمية الهياكل معايا أنت لحد كده ؟ جميل ، صلي ع النبي وبينا ع الخطوة اللي بعدها ..

-------------------------------------------------------------
إيه أنواع هياكل البيانات ؟
بص يا بشمهندس هم نوعين أساسيين، حلو ؟
النوع الأول البدائي Primitive :
ف النوع ده هتعمل الشغل بتاعك ع البيانات البسيطة زي الأرقام الصحيحة والحروف والنصوص ، يعني شغل العيال التوتو 😂
النوع التاني المعقد Complex :
النوع ده بنستخدمه مع البيانات الكبيرة والمختلفة واللي في روابط بينهم ، تمام كده ؟ خلينا نقول بقى أمثلة ع الهياكل المعقدة :
- Array .
- Linked List .
- Graph .
- Tree .
- Queue .
تمام يا بشمهندس ؟ لسا صاحي ولا إيه 😂
بص هو ف الغالب علطول بتسمع عن حاجة إسمها Algorithms أو خوارزميات بتتقال علطول مع هياكل البيانات ، بس عشان هي مش موضوعنا النهاردة ف مش هنتكلم عنها كتير بس خليني أعرفهالك ..

---------------------------------------------------------------
إيه هي الخوارزميات ؟
هي طريقة ، عندك مشكلة وعايز تحلها ف أنت هتقعد تدرس المشكلة اللي عندك دي ، بس أنت راجل مهندس 😂 ف لازم تكون منظم كده .. ف أنت هتكتب الخطوات اللي هتمشي عليها عشان تحل المشكلة ، صح ولا إيه ؟ اللي انت عملته ده هو خوارزمية ، وكل ما كانت الخوارزمية بتاعتك سريعة ف حل المشكلة كل ما كانت ناجحة وكويسة ...

22/02/2022

ايه الي يخليك متميز وسط مجتمع المبرمجين؟!
كلهم بيتعلموا برمجة بس كلهم مش انت 😈
تعالي اقولك كام سر يخلوك متميز ومطلوب اكتر في سوق العمل 😌
👈الانجلش :
لازم تطور من اللغة عشان انت شغلك معظمه في انجلش كتير .
ودي مواقع انجلش اونلاين ننيجا 😌
https://bit.ly/35aIqVt
👈 الكتابة السريعة:
كتابة اكواد رايحة وكتاب اكواد جاية . ف لازم تبقي سريع وايدك بتتحرك من خلال حفظك للكيبورد! وده هيسهل عليك التاسك جدا 💆
اتعلمها من هنا:
https://bit.ly/3b63kon
👈 إدارة الوقت :
لازم تراقب وقتك عشان انت بتسرح كتير وانت بتشتغل . تسافر امريكا وترجع تاني وانت لسه مخلصتش التاسك 😌
اتعلم تدير وقتك
: https://bit.ly/30ZSyOE
👈 التواصل :
يعني الناس كلها بتقول المبرمج ده شخص انطوائي ومش بيحب يتكلم مع الناس تقوك انت تثبته بدل ما تنفيه!😂
اتعلم ازاي تتواصل مع الناس خصوصاً لو في عمل جمااااعي :
https://bit.ly/3nnPtPP
👈 الجرافيك ديزاين:
لازم تعرف تنظم الوانك وتنسقها مع بعض عشان لما تعمل برنامج او لعبة تكون شكلها مريح للعين ومحدش ينزعج منها.
مسار ل الجرافيك
https://bit.ly/3g7GZK6
👈السيو :
وده لو انت مصمم ويب لازم تتعلمه عشان الموقع يتصدر الصفحات الأولى في جوجل😌
وهنا مش مطلوبك منك غير انك تعرف القواعد العامة بس.
مسار لتعلم السيو
https://bit.ly/3jAgOx5
👈 الماركتنج :
هتقولي انا مبرمج مالي ومال التسويق!🙂
اقولك والله ده الي هيخلي شغلك يطلع للنور اصلا 🎇
رحلة في الماركتنج
:https://bit.ly/3mZtcta
👈 التعلم الذاتي:
او كما يعرف ب ال self learning.
لازم تدور علي المعلومة بنفسك . وتجيبها من مصادر موثوقة . لأن محدش هيقولك كل حاجه انت عايز تعرفها .
انت الي بتدور وتبحث لحد ما تفهم ✅
اتعلم تتعلم لوحدك :
https://bit.ly/3ntacSf
👈زنقة الديدلاين:
سبحانه يبقي مطلوب منك تاسك من اسبوع تفتكر أن عندك تسليم التاسك انهارده طب ما لييييييييه م كان عندك اسبوع بحاله . ولكن هو كده الانسان بطبعه بيحب يزنق نفسه.
سيطر على الوحش ده :
bit.ly/2XzAp8w
👈 بناء عادة !
اخر واهم حاجه تتعلمها عشان تحافظ علي كل الي انت ناوي تعلمه في حياتك وكل الي قولناه في البوست .💆
بناء عادة سر نجاح :
https://bit.ly/3EnPBFN
وده بوست ل مصادر تعلم البرمجه 🤍
https://bit.ly/31XbQVh
السر كله هنا 👀❤️
https://t.me/Coursat2020

16/02/2022

مسار ال Android Developer 👨‍💻❤ 📢📣

-

مسار الأندرويد كامل وازاي تبقي مطور تطبيقات اندرويد من غير ما تاخد ولا كورس برا في اي مكان هتتعلم كلة اونلاين بالعربي او بالانجليزي كمان 😉 مصادر عربية واجنبية كمان , واكتر من مدرب واللي ترتاح في شرحة 😁

-

دا فعلا حقيقي وعن تجربة شخصبة الحمدلله انا حاولت اجمع قدر ما استطعت من المصادر اللي انا اتعلمت منها شخصيا مجال الاندرويد خلال فترة التحدي بتاعي اللي عملتة اللي هو كان 200 Days of code 🦸‍♂️💪 . واللي الحمدلله نجحت فية كانت نقلة عظيمة بالنسبة ليا اني اتعلم برمجة من غير ما ادفع ولا ربع جنية في كورس واحد اتعلمت الحمدللة كلة اون لاين بس لازم في كل دا يكون عندك هدف وطموح واصرارا والصبر عشان توصل لهدفك . 😉💪

-

انا مش هجبرك انك نتتعلم من الانترنت بس صدقني حقيقي دا كنز كبير وممكن توفر فلوسك وتتعلم كلة اونلاين وتبقي مطور ناجح في الاندرويد وزي ما قولت عن تجربة شخصة انا قررت اعمل البوست دا عشان لاقيت شباب كتيرة محتارة وخايفة واللي مش عارف يعمل اية او اية هو المسار الصح اللي يمشي علية اولا بس نصيحة للناس :

-

نصيحة للمبتدئين أكتر الأسئلة اللي اي مبتدئ في البرمجة بيسألها واللي حقيقي كنت انا كمان اتعلمتها في بدايتي وعرفت قد اية هي مهمة :

-

1- عايز اتعلم البرمجة أبدأ منين ؟!

-

أولا : حدد هدفك واعرف انتا لية عايز تتعلم البرمجة ولازم انك تحط ليك هدف لأن لو معندكش وهتفضل تتعلم وخلاص هتخس بعد كدا بملل وإحباط وتشتت بسبب انة معندكش اي هدف !
ثانيا : حدد مجالك لأنة عالم البرمجة كبيرة جدا متفرع ومتشعب كتير جدا فوق ما تتخيل هتحدداللي هتعلمة مثلا زي الأندرويد او الويب أو الديسك توب أو الذكاء الاصطناعي وغيرة كتييير .

-

2- اية هي المدة المطلوبة عشان اتقن لغة برمجة ؟!
مفيش مدة محددة ولكنها بتعتمد علي شخصيتك وقدرتك علي الاستيعاب والمثابرة والتعلم ومثال ممكن تتقن لغة في خلال ٦ أشهر وزي ما قولت بيرجع ليك الوقت دا.

-

طيب وبعد كدا اعمل تمام , لما تختار مجال الانرويد هتحتاج يكون عندك مواصفات جهازك اللي هتشتغل عليه عشان تشتغل وانتا مستريح علي جهازك :

-

Windows requirements

-

Microsoft Windows 7/8/10 (32-bit or 64-bit)
3 GB RAM minimum, 8 GB RAM recommended (plus 1 GB for the Android Emulator)
2 GB of available disk space minimum, 4 GB recommended (500 MB for IDE plus 1.5 GB for Android SDK and emulator system image)
1280 x 800 minimum screen resolution

--------------------------------------------------
Mac OS requirements

-

Mac OS X 10.10 (Yosemite) or higher, up to 10.13 (High Sierra)
3 GB RAM minimum, 8 GB RAM recommended (plus 1 GB for the Android Emulator)
2 GB of available disk space minimum, 4 GB recommended (500 MB for IDE plus 1.5 GB for Android SDK and emulator system image)
1280 x 800 minimum screen resolution

-------------------------------------------

Linux OS requirements

-

GNOME or KDE desktop. Tested on Ubuntu 14.04 LTS, Trusty Tahr (64-bit distribution capable of running 32-bit applications)
64-bit distribution capable of running 32-bit applications
GNU C Library (glibc) 2.19 or later
3 GB RAM minimum, 8 GB RAM recommended (plus 1 GB for the Android Emulator)
2 GB of available disk space minimum, 4 GB recommended (500 MB for IDE plus 1.5 GB for Android SDK and emulator system image)
1280 x 800 minimum screen resolution

--------------------------------------------------

طيب في ناس امكانيتها علي قدها والاجهزة ضعيفة شوية انا هقولك تعمل اية عشان تقدر بالمواصفات اللي عندك تشتغل بيها عشان كلنا عارفين اندرويد استوديو وحش رامات هههه بحد
ادني لازم يكون الرام عندك 4 جيجا

-

ودي شوية مساعدة من مجهودي الشخصي هتطبقها عشان الاجهزة الضعيفة :
مهم للناس اللي لسة مبتدئة في الأندرويد 🔔

-

للناس اللي سألتني ازاي بتشتغل علي أندرويد استوديو برامات 4 جيجا ومعالج core i3 😎 واللي انا منهم 😅🤚عقبال ما ربنا يكرم ،😂 سهلة جدا وبسيطة بس اللي يتعب ويدور كان هيلاقي الحل ركزوا معايا :

-

1 - افتح ال File هتلاقي آخر حاجة تحت اسمها

-

Power save mode
ودي وظيفتها بتقلل استخدام الكومبيلر وبتخلية اوف لاين عشان بياخد نسبة كبيرة من الرامات وبيوقف بعض الحاجات اللي كلها استخدام كتير وبيحافظ علي استخدام البرنامج والجهاز في نفس الوقت

-

2- افتح setting اختار منها gradle هتلاقي في النص اختيار اسمة offline work

-

3 - ممكن تستغني عن الايملاتر الخاص بالاندرويد او الجهاز المحاكي وفي بديل كتييير جدا وبياخد مساحة قليلة من الرمات منهم المشهور جدا : genymotion 😉

-

او ممكن تعمل Run علي موبايلك ودي اسهل وأجمل الطرق بمجرد ما توصل موبيلك باللاب بتاعك هيجيلك اشعار من الاستوديو انك ممكن تعمل ربط مع موبيلك بس شرط خاصية ال
USB Debug

-

من اختيار developer options 😉
وبس خلاص ااقدر ااقولك تقدر تتعلم أندرويد وانتا مطمن عقبال ما ربنا يفتحها علينا ونعمل Upgrade للجهاز بتاعنا 😂🤚

-

حلو اوي كدا يا عم محمد اعمل اية بقا بعد كدا عشان اتعلم بص يا صديقي دا مسار الاندرويد من البداية للنهاية :

-

-
🔴 level one
-

🔵Principles of java

-

➖ What's Java
➖ Java history
➖ Java Byte code
➖ Java virtual machine
➖ JRE Java runtime environment
➖ JDK Java Development kit
➖ SDK Software Development Kit
➖ API Application Programming Interfaces
➖ Variables
➖ Data Types
➖ Strings
➖ Comments
➖ Math Operations
➖ Conditional statement if- switch
➖ Looping
➖ Arrays
➖ Array List
➖ Exceptions
➖ Casting

-
🔵OOP
-

➖ Class
➖ Object
➖ Member Variable
➖ Member method
➖ Constructor
➖ Access Modifiers
➖ Non-Access Modifiers

➖ Inheritance
➖ Polymorphism
➖ Interfaces
➖ Abstraction

🔵Algorithm

-

🔵Data structure

-
🔴level two
-

-
🔵 Data base
-

➖ SQLlite
➖ MySQL
➖ Firebase

-

🔴level three - 3
-

Introduction to Android
➖ What’s Android?
➖ Why Android
➖ Android Market
➖ Android Versions
➖ what’s new Android

-
🔵Android Architecture
-

➖ Android Stack
➖ Android Features
➖ Android Architecture layer

-
🔵Tools
-

➖ SDK (software development kit)
➖ JDK (java development kit)
➖ IDE (integrated development environment

-
🔵Android Studio
-

➖ Setup Android Studio
➖ Android Manifest
➖ Important Folders
➖ Logcat
➖ Emulator and genymotion

-
🔵Android Components
-

➖ Activities and services
➖ Broadcast Receivers
➖ Content Providers

-
🔵Building Application UI
-

➖ Material design concept
➖ Layouts
➖ Layouts type
➖ attributes
➖ View class

-
🔵Activities & Fragments
-

➖ Life Cycle
➖ Resources
➖ Navigation Drawer
➖ Tab layout

-
🔵Intents
-

➖ Explicit Intents
➖ Implicit Intent
➖ Intent Filter

-
🔵List View
-

➖ Adapter
➖ List views
➖ Custom views
➖ Recycler view

-
🔵Android HTTP Client & REST web service "Retrofit"
-

➖ HTTP Request & Response
➖ Postman and parsing JSON
➖ upload Image to server

-
🔵Advanced Topics
-

➖ Permissions
➖ Google Maps
➖ Select Image From Gallery OR Camera
➖ Shared preferences
➖ git version control

-
🔴level four
-

-
🔵 Kotlin
-

➖ Kotlin With Android studio

---------------------------------------------------------

بعد كدا هتحتاج بقا تتطور من نفسك شوية وتتعلم لغة جديدة زي لغة Kotlin العظيمة عشان دي هتساعدك في انك تكتب كود ااقل بكتيييير عكس جافا واللي اساسا مبنية علي java , هتقولي يعني استغني عن جافا لا طبعا لان جافا اساس كل حاجة .
سؤال الناس المحتارة ؟؟

-

استخدم كوتلن ولا جافا ؟ 🤔

-

كوتلن هى لغة برمجة مفتوحة المصدر وفى2017 تم اعتمادها من جوجل لتطوير تطبيقات الاندرويد بجانب الجافا يعنى هى مش بتستبدل جافا خالص وابدا ولم يحدث😂
بدات شركات كبيرة وصغيرة انها تحول من جافا لكوتلن زى (netflix-pinterest-slack-twitter-reddit-evernote)

-

تقدر تكتب كود كوتلن على (Android Studio - IntelliJIDEA - Eclipse)

-

هتسال نفسك سؤال انا دلوقتى استخدم اى لغة جافا ولا كوتلن؟!!!!!!!!!!!!!
الاجابة هى ان ليك مطلق الحرية تستخدم جافا او كوتلن 😉 طيب جوجل لية اعتمدتها ؟😯

-

جوجل شافت انها افضل حل علشان تخلى المبرمج يركز على الفكرة اللى بيطبقها مش كم الكود اللى بيتكتب وكوتلن فيها مميزات كتير عن الجافا ومنها انها بتجمع بين خصائص ال object-oriented programming وال functional programming وكمان بتعتبر الشعار الرسمى ليها هو (write more concise code) بمعنى تقدر تكتب كود اقل بنسبة 40% من اللى هتكتبو بلغة جافا واخر حاجة ممكن نعرفها عن الكوتلن هى ال Extensions زى ال Extension functions وهى انك تضيف function لاى class حتى لو كان مبنى فى اللغة نفسها من غير متضطر تلجأ لل inheritance او ال design patterns 🤭

-

من الاخر كوتلن هتسهل عليك حاجات كتير وهنكتب عنها اكتر فى المستقبل بالتفصيل😎
طبعا مش ناسي المصادر اللى تقدر تتعلم منها 🤝👌

____________________________________________

-
باللغة العربية
-

-
🔴 level one
-

java + MySQL by : Hassouna Academy
https://www.youtube.com/playlist?list=PLHIfW1KZRIfn9BnepQuzWiM_ZPIwUDawL

java by : Muhammed Essa
1- https://www.youtube.com/playlist?list=PLMYF6NkLrdN817O88GXt4xAPmM2bD7pLN
2- https://www.youtube.com/playlist?list=PLMYF6NkLrdN85yXTEQzDcHbmZHCyuCDnK

Data Structures & Algorithm By : Adel Nasim
https://www.youtube.com/playlist?list=PLCInYL3l2AajqOUW_2SwjWeMwf4vL4RSp

Data Structures & Algorithm By : محمد شوشان
https://www.youtube.com/playlist?list=PLnzqK5HvcpwS70RtOyS_DlH5iSa4U0IO1

Data Structures & Algorithm By : Hard-Code
https://www.youtube.com/playlist?list=PLwCMLs3sjOY4UQq4vXgGPwGLVX1Y5faaS

Data Structures & Algorithm By : TheNewBaghdad
https://www.youtube.com/playlist?list=PLF8OvnCBlEY3a1pbPrE6fvNuV3qi-6KRf
---------------------------------------------------------------------

-
🔴 level two
-

MySQL By : Hassouna Academy
https://www.youtube.com/playlist?list=PLHIfW1KZRIfnKQjOoZc540z3fmGe-slLU

MySQL By : Abdullah Almehmadi
https://www.youtube.com/playlist?list=PLA410065ED903BCA9

MySQL By : Elzero Web School
https://www.youtube.com/playlist?list=PLDoPjvoNmBAz6DT8SzQ1CODJTH-NIA7R9

--------------------------------------------------------------------------

-
🔴 level two
-

Firebase By : Koutaiba Altellawi
https://www.youtube.com/playlist?list=PL-1ONImcjaZxCpAh9vPqvHuPCkzDrVziE

Firebase By : TheNewBaghdad
https://www.youtube.com/playlist?list=PLF8OvnCBlEY3F9R_L67uCuFQuWULClfag

Firebase By : Ahmed A*z
https://www.youtube.com/playlist?list=PLb6ZzJ93PVwpsrq-WMPzdHzoI5BXfMoIj

----------------------------------------------------

-
🔴 level three
-

Android studio By : Muhammed Essa
https://www.youtube.com/playlist?list=PLMYF6NkLrdN9TGwxfJUN7HeLvExdfXbgn

Android studio By : TheNewBaghdad
https://www.youtube.com/playlist?list=PLF8OvnCBlEY3e0Yg990aAXreEru72_xWN

Android studio By : Hassouna Academy
https://www.youtube.com/playlist?list=PLHIfW1KZRIfnQ6WRvLbWok4ZZww4k3T1u

Android studio By : Salim 3dd
https://www.youtube.com/playlist?list=PL7VN7OBi_bOO0I3nYn7VqrMws0wLrQtdx

------------------------------------------------

-
🔴 level four
-

Kotlin By : Mohamed Tamer
https://www.youtube.com/playlist?list=PLStwsNXljjnGIvacjnMNLBWIdyls5iO2K

Kotlin By : TheNewBaghdad
https://www.youtube.com/playlist?list=PLF8OvnCBlEY2w-zdVPozupapiKzLzpyUZ

Kotlin By : Hassouna Academy
https://www.youtube.com/playlist?list=PLHIfW1KZRIfl5UHtM6DRFAVn3PBuJ7NGD

Kotlin By : Muhammed Essa
https://www.youtube.com/playlist?list=PLMYF6NkLrdN-k2-YReM_Dv4WW6jKeaSFo

________________________________________________________

{EN}

-

باللغة الأنجليزية

-

-
🔴 level one
-

java By : Mosh
https://www.youtube.com/watch?v=eIrMbAQSU34&t=5865s

java By : thenewboston
https://www.youtube.com/playlist?list=PLFE2CE09D83EE3E28

java By: freeCodeCamp
https://www.youtube.com/watch?v=grEKMHGYyns&t=12892s

Data Structures & Algorithm By : CS Dojo
https://www.youtube.com/watch?v=bum_19loj9A

Data Structures & Algorithm By : freeCodeCamp
https://www.youtube.com/watch?v=RBSGKlAvoiM&t=11621s
https://www.youtube.com/watch?v=09_LlHjoEiY&t=7566s

Data Structures & Algorithm By : Mosh
https://www.youtube.com/watch?v=BBpAmxU_NQo&t=2279s

Data Structures & Algorithm By : Naresh i Technologies
https://www.youtube.com/playlist?list=PLVlQHNRLflP_OxF1QJoGBwH_TnZszHR_j

Data Structures & Algorithm By : Abdul Bari
https://www.youtube.com/watch?v=0IAPZzGSbME&list=PLDN4rrl48XKpZkf03iYFl-O29szjTrs_O

--------------------------------------

-
🔴level two
-

MySQL By : Mosh
https://www.youtube.com/watch?v=7S_tz1z_5bA

MySQL By : freeCodeCamp
https://www.youtube.com/watch?v=HXV3zeQKqGY

MySQL By : ProgrammingKnowledge
https://www.youtube.com/playlist?list=PLS1QulWo1RIahlYDqHWZb81qsKgEvPiHn

-----------------------------------------------------------------

-
🔴level two
-

Firebase By : TVAC Studio
https://www.youtube.com/playlist?list=PLGCjwl1RrtcTXrWuRTa59RyRmQ4OedWrt

Firebase By : Hindi Tech Dude
https://www.youtube.com/playlist?list=PLFqMAgxyxR4eZ8EhqyDnRto3A8NCTNoPW

-------------------------------------------------------

-
🔴level three
-

Android studio By : edureka!
https://www.youtube.com/watch?v=aS__9RbCyHg

Android studio By : PRABEESH R K
https://www.youtube.com/playlist?list=PLshdtb5UWjSrOJfpFOE-u55s3SnY2EO9vhttps://www.youtube.com/playlist?list=PLshdtb5UWjSrOJfpFOE-u55s3SnY2EO9v

Android studio By : Android Developer
https://www.youtube.com/playlist?list=PLknSwrodgQ72X4sKpzf5vT8kY80HKcUSe

Android studio By : ProgrammingKnowledge
https://www.youtube.com/playlist?list=PLS1QulWo1RIbb1cYyzZpLFCKvdYV_yJ-E

Android studio By : Jerry Banfield
https://www.youtube.com/watch?v=00EbvyLlAJo

--------------------------------------

-
🔴level four
-

1- Kotlin By : freeCodeCamp
https://www.youtube.com/watch?v=F9UC9DY-vIU&t=4s

2 - Kotlin By : freeCodeCamp
https://www.youtube.com/watch?v=AeC4G-H-MQA&t=358s

3 - Kotlin By : freeCodeCamp
https://www.youtube.com/watch?v=Iz08OTTjR04&t=10662s

Kotlin By : Telusko
https://www.youtube.com/watch?v=I6rkwJed-HY&t=16145s

Kotlin By : Derek Banas
https://www.youtube.com/watch?v=H_oGi8uuDpA&t=3972s

-

مصار اخري :

-

official Kotlin documentation :-
https://kotlinlang.org/docs/reference/android-overview.html
Kotlin Bootcamp for Programmers :-
https://www.udacity.com/course/kotlin-bootcamp-for-programmers--ud9011
Kotlin for Android Developers:-
https://www.udacity.com/course/kotlin-for-android-developers--ud888
Developing Android Apps with Kotlin:-
https://www.udacity.com/course/developing-android-apps-with-kotlin--ud9012
Advanced Android with Kotlin:-
https://www.udacity.com/course/advanced-android-with-kotlin--ud940
========================================================

👨‍💻 تحديث لمسار الأندرويد 😃✋ رجعتلكم بكورسات اندرويد جديدة السنة دي 2020 وكلها كورسات عظيمة جدا .

=====================================
👨‍💻 دي كورسات جديدة كاملة متكاملة من الصفر لشرح الاندرويد استوديو من الصفر فيها شرح بلغة جافا وكورسات بلغة كوتلن واللي اولهم بلاي ليست لأشهر مطور في جوجل واسبيكر في GDG اسمة

-

Nate Ebel عامل كورس ب 9 اسابيع كورس اندرويد بلغة كوتلن كامل متكامل وانصح بية اي حد الصراحة وعن تجربة شخصية . وان شاء الله قريب هيكون فية تحديثات تاني بالنسبة للمسار والكورسات دي كمان هتتضاف علي البوست الرئيسي اللي اللينك بتاعة اهو فوق او هسيبة برضوا في الكومنتات . اتمني يارب انكم تستفادوا يارب وربنا يوفقكم جميعا ومتنسوش الدعوات 😊 .

-

=============================================
🏆 الكورسات
{EN}

-

باللغة الأنجليزية
By : Nate ebel

-

1- 9 Week Android Development Course for Beginners

-

https://www.youtube.com/playlist?list=PLEPZdzLLJH94Jk_Jz-cTUXYFoObPBH7KB
================================================
2- Android Full Course - Learn Android in 9 Hours | Android Development Tutorial for Beginners| Edureka

-

https://www.youtube.com/watch?v=aS__9RbCyHg
================================================
3- Android Development for Beginners - Full Course

-

https://www.youtube.com/watch?v=fis26HvvDII&t=39781s
================================================
4- Android Full Course - Learn Android in 14 Hours | Android Development Tutorial for Beginners

-

https://www.youtube.com/watch?v=O3BVBzV58hg&t=9107s
================================================
5- Android Development Course - Build Native Apps with Kotlin Tutorial

-

https://www.youtube.com/watch?v=Iz08OTTjR04&t=10662s
================================================
6- Android Tutorials java And Kotlin By / Mohamed Tamer

-

https://www.youtube.com/playlist?list=PLStwsNXljjnHQYuW3L94Qq6lMpUA5nvdc

--------------------------------

16/02/2022

حبة software engineering بالهجايص (6): أؤمر، ما تسألش Tell, Don't Ask
------------
في عصر ما قبل الObject Oriented Programming، البرامج كانت بتتقسم بحيث إن البيانات بتبقى في حتة و العمليات اللي بتعالج البيانات دي في حتة تانية خالص. الOOP قالت لك لأ احنا هانرتب الدنيا بطريقة مختلفة، احنا نحطهم الاتنين مع بعض، وسموا الحركة دي (اللي هي جمع البيانات مع العمليات) encapsulation (الترجمة الحرفية ليها = تغليف، تضمين).
لما بحط البيانات و العمليات مع بعض بزود في التماسك cohesion لأن العمليات مرتبطة بالبيانات اللي موجودة معاها بالفعل، ودي حاجة كويسة. و لما بفصلهم بزود في الاقتران coupling لأن الclass اللي فيها العمليات هاتحتاج تعتمد على الclass اللي فيها البيانات، و دي حاجة وحشة. [اتكلمت عن الموضوع ده بالتفصيل في مقالة: أحط الحاجة فين، الرابط بتاعها في أول تعليق]

عارفين الناس اللي بيدخلوا على الجروبات ويقولوا لو حد يعرف كذا يقول، و عادة الناس بترد عليه وتقول له: قول سؤالك على طول. اللي بيعرف هايرد عليك. وفيه جروبات بتمنع النوع ده من المشاركات من الأساس.
أهم هما دول اللي مش بيطبقوا الencapsulation كويس 😃
تعالوا نشوف القصة إيه...

فيه مبدأ عندنا بيقول: ما تسألش عن البيانات، وبعدين تقرر أنت هاتعمل بيها إيه. خلي المسئول عن تنفيذ اللي أنت عاوز تعمله بالبيانات دي هي الclass نفسها اللي فيها البيانات دي. و قل للclass دي تجيب من الآخر وتنفذ اللي أنت عاوزه على طول.المبدأ ده بيسموه Tell, Don't Ask. يعني إيه الكلام ده؟
- تعالوا ناخد مثال من ال.NET Framework، فيه class اسمها File دي بنستخدمها لما نيجي نتعامل مع الملفات على الهارد ديسك، الclass دي فيها method اسمها Exists. ودي بنستخدمها عشان نتأكد الملف موجود ولا لأ قبل ما نعمل عليه أي عمليات (قراءةRead أو كتابة Write أو حذف Delete) و إلا هايضرب Exception لو جيت اعمل العمليات دي على ملف مش موجود مثلا. بس لو ندهت للExists عشان أشوف الملف موجود ولا لأ قبل ما اعمل عليه أي عملية هاخالف المبدأ اللي معانا: Tell, Don't Ask، عشان أنا سألت الأول عن حالة الملف وبعدين أخدت القرار بناء على الحالة اللي عرفتها.
- تعالوا نشوف مثال تاني من ال.NET Framework برضو: لما تيجي تحول نص string لرقم، فيه عندك method في الint struct اسمها Parse و دي هاتضرب exception لو النص لا يمكن تحويله لرقم، يعني هاينطبق عليها نفس الكلام اللي قلناه في المثال اللي فات عند التعامل مع الملفات. بس الحقيقة الstruct دي فيها method تانية اسمها TryParse ودي "بتحاول" تحول النص لرقم، لو فشلت مش بتضرب exception. ودي متسقة جدا مع المبدأ اللي بنتكلم عليه، ومش محتاج هنا try-catch عشان أتفادى مشاكل فشل التحويل.
تعالوا نرجع للمثال الأول: لو كانت الFile class فيها methods اسمها: TryRead، TryDelete، TryWrite، مش هايكون أفضل؟
أظن هايكون أفضل.
- المبدأ ده مفيد جدا لما تيجي تصمم خدمة ويب web service. الفكرة إنك عاوز تقلل المشاوير اللي ما بينك و بين الخدمة عشان تتفادى مشاكل الشبكة. فلما تطبق المبدأ ده هاتلاقي إنك بتطلب من الخدمة تنفذ لك المهمة اللي أنت عاوزها دوغري، ودي بيسموها coarse grained service، على عكس لو فضلت رايح جاي على الخدمة تسأل عن البيانات و بعدين تقرر و بعد كده بترجع تعيط إن الخدمة بطيئة. و دي بيسموها fine grained service أو chatty service.

المبدأ ده كويس جدا، بس أحيانا مش بيكون مناسب للسياق اللي أنا شغال فيه، أو لو طبقته هاضيع على نفسي مميزات أخرى، تعالوا نشوف أمثلة:
- تعالوا نرجع لأول مثال ذكرته فوق، لغاية لما مايكروسوفت تعمل TryDelete، استخدم Exists الأول وبعدين Delete و لا أحط الDelete في try-catch؟
لأ طبعا استخدم الExists وبعدين الDelete، و لا تستخدم الtry-catch في التحكم في مسارات البرنامج control flow أبدا. هنا مش أنا اللي عامل الFile class و مضطر استخدمها كما هي، وده مش عيب.
- لما بعمل بحث أو تصفية لبيانات أنا بسأل مش بأمر، بس قشطة مفيش مشكلة في كده.
- لو حطيت كل العمليات الممكنة و الغير ممكنة على البيانات هالاقي الدنيا كبرت جدا، و معظم استخدامات الclass اللي فيها البيانات و العمليات دي مش بتحتاج كل العمليات دي. في الحالة دي ممكن يبقى عندي طبقات من الclasses، كل طبقة بتعمل تجريد abstraction للطبقة اللي تحتها و تضيف عمليات جديدة عليها (أو غيرها من طرق تقسيم الclasses)
- أحيانا بفصل العمليات عن البيانات لأن العمليات دي ممكن تتغير، ودي هاتيجي معانا بالتفصيل إن شاء الله لما نتكلم على المبدأ Encapsulate what varies أو عند تطبيق ال strategy pattern.
- أحيانا بفصل العمليات عن البيانات عشان أقسم الدنيا لطبقات layers فتديني مرونة أعلى في التصميم، زي مثلا إني بفصل العمليات اللي بتتعامل مباشرة مع قاعدة البيانات (اللي هي CRUD Operations = إنشاء Create وقراءة Retrieve وتعديل Update وحذف Delete البيانات) عن العمليات اللي بتعالج البيانات دي، وتطبق عليها إجراءات العمل business rules مثلا.
- أحيانا بنفضل إننا نفصل العمليات الاستعلامية Queries (زي التقارير و لوحات المعلومات dashboards مثلا) عن العمليات الإجرائية Commands (زي إنشاء و تعديل وحذف البيانات) عشان نقدر نحسن كل واحدة على حدة، وفيه architecture style معروف في التقسيمة دي اسمه Command and Query Responsibility Segregation، أو اختصارا CQRS.

حابب أختم المقالة دي بكلمة لعم الأركتكتس، مارتن فاولر Martin Fowler، قال: التصميم الجيد عبارة عن شوية موازنات، وجمع البيانات مع العمليات يعتبر عامل واحد فقط نأخذه في حسباننا بجانب العوامل الأخرى.
Good design is all about trade-offs, and co-locating data and behavior is just one factor to bear in mind.

11/02/2022

ازاي ابقا مبرمج ناجح؟ وازاي اقدر احدد مستوايا؟

تعالي الاول قبل منجاوب علي الأسئلة نقسم المبرمجين لتلات مستويات، المستويات دي بتمثل الDeveloper و Mid level و الSenior و التقسيمة دي هتساعدك تعرف مستواك فين وعلي اساسه تعرف ايه الي ناقصك وايه المطلوب منك وتشتغل عليه.

- المستوي الاول ( الDeveloper )

هنا بتتعلم ازاي تبقا مبرمج شاطر وفاهم صناعة البرمجيات بشكل جيد جدا.

١. بتعرف تحول الbusiness requirements لكود شغال بأداء (performance) جيد.
٢. بتكتب clean code وفاهم OOP
٣. عارف SOLID Principles وبتطبقها
٤. عندك خلفية عن الdesign patterns
٥. عارف unit testing وأهميته الجودة في صناعة البرمجيات.
٦. بتعرف تعمل integration مع انظمة اخري زي APIs و Databases وهكذا
٧. بتعرف تصمم قواعد بيانات بشكل جيد.
٨. فاهم SDLC و DevOps و Monitoring كويس

انت كده بقيت برنس في صناعة البرمجيات وفاهم ازاي تطلع مشروع من الاول للاخر.

الكتب المقترحة:
Pragmatic Programmer
Clean Code

- المستوى التاني (Mid Level)

بعض الشركات ممكن تسمي الlevel دا Senior developer او Mid level و مش هيفرق معانا موضوع الtitles

في المرحلة دي هتبتدي تزود في الTech و الleadership

1. هتبداء تعمل coaching للمهندسين الاقل خبرة
2. تقدر تبقا Tech lead لفريق صغير مكون من ٣ افراد
3. تقدر تشارك في الsoftware architecture و الsystem design بتاع المشروع
4. تعلم الفريق بالnew practices
5. بتفكر في الmaintainability و الlong term
6. تقدر تعمل breakdown للtasks
7. فاهم ازاي تعمل operate للمشروع بعد ميطلع live من scalability و monitoring و alerting
8. عندك خلفية عن اكتر من جزء في المشروع مش مجرد الجزء الي انت شغال عليه.
9. تقدر تختار نوع قواعد البيانات المناسب للمشروع مش مجرد الdiagram

في المرحلة دي المفروض تبقا عرفت بعض المصطلحات القادمة وتعرف تطبقا حتي لو مستخدمتهاش قبل كده:
Cqrs - event sourcing- DDD- microservices - clean architecture - analytics & reporting - Messaging - events - gateways - proxies - load balancing - Scalability - Cache - resilience - fault tolerance

مبروك انت كده بقيت معلم تقدر تعمل lead لفريق ومشروع صغير والمشروع يعيش سنين لقدام وتبقا كمان عامل حساب المشاكل لما تحصل.

الكتب المقترحة:
Building Microservices
The Phoenix Project

- المستوي التالت وlevel الوحش (Senior Developer او Tech Lead)

هنا التأثير بتاعك بيبقا دي تأثير الEng Manager بس الScope بيبقا مختلف والCareer Path مختلف.

ممكن فريق كبير مكون من ١٠ افراد يبقا فيه واحد فقط من المستوى التالت وبقيت الفريق من المستويات الاقل.

1. تقدر تعمل Software architecture و system design لمشروع كبير.
2. تقدر تبقا tech lead لفريق من ١٠ افراد
3. عندك مهارات الproject management و الdelivery management
4. تقدر تشارك في الPlanning لفريق العمل.
5. تعمل Development Plans للمبرمجين
6. يبتدي التأثير بتاعك يبان في فرق اخري مش مجرد الفريق بتاعك.

الكتب المقترحة:
Design Data Intensive Applications
Domain Driven Design

ملحوظة ١: الالقاب او الtitles في المنشور مستخدمة لتوصيل الفكرة مش لمقياس الtitle بتاعك في السوق علشان كل شركة ليها مقاييسها الخاصة.

ملحوظة ٢: في الغالب علشان تنقل من مستوى لاخر هتحتاج حوالي ٥ سنين او اكتر في كل مستوي. يعني علشان توصل المستوى التالت غالبا هتحتاج ١٠ او ١٥ سنة خبرة. في ناس شاطرة جدا ممكن تختصر عدد السنين في كل مستوى.

ملحوظة ٣: ان شاء الله هيبقا في منشور عن المهارات الي المبرمج بيستخدمها يوميا بس هتحتاج منشور تاني.

ملحوظة ٤: بعض الشركات ممكن تقسم المستوى الواحد لاكتر من مستوى.

23/01/2022

هو الsolutions architect ده بيعمل إيه؟
---------
بص يا سيدى، الراجل ده بيكون عنده مشكلة، وبعدين بيكون الحل على الورق في صورة مربعات/صناديق وبينهم خطوط.
كل مربع/صندوق من دول بيعبر عن جزء من الحل، وكل خط بيعبر عن العلاقة بين كل جزء والثاني.
المربعات دي في البداية بتكون صناديق سوداء (black boxes)، معروف المدخلات والمخرجات بتاعتها، وإيه هي العمليات اللي بتتم في كل صندوق، بس من غير ما يتحدد التكنولوجيا اللي هانستخدمها ولا تفاصيل التنفيذ.
تعالوا ناخد مثال: لو عايز أعمل سيستم لأتمة جميع العمليات اللي في مؤسسة ما، الصناديق اللي محتاجها عادة بتكون حاجة زي التالي:
- Enterprise Resource Planning (ERP), بمكوناته المختلفة، زي الHR -والSupply Chain والInventory و الfinance إلخ.
- Enterprise Content Management (ECM)/Archiving solution
- Business Process Management (BPM)/Workflow
- Enterprise Service Bus (ESB)/API Platform
إلخ.
بعد كده بنمسك كل صندوق من دول ونبتدي نجاوب على السؤال التالي:
هاستخدم حاجة جاهزة ولا هابني من الصفر = Buy Or Build؟
والحاجة الجاهزة دي، هاتكون تقنية مملوكة لشركة ما، ولا هاستخدم حاجة مفتوحة المصدر (open source).
ولو هابني من الصفر، هاستخدم تقنيات إيه؟ وهابني معمارية النظام إزاي؟ (السؤال ده تحديدا، كنت كتب عنه حاجة قبل كده، الرابط بتاع المقالة في أول تعليق لمن أراد الاطلاع عليها)
إجابة سؤال: Buy or Build هاتكون في المقالة الجاية - إن شاء الله - عشان ما أطولش عليكم، بس هاديكم تسريب مبدئي: الأصل إنك لا تعيد اختراع العجلة، والمفروض اللي محتاج تبنيه من الصفر يكون حاجة صغيرة جدا!
كنت كتبت مقالة قبل كده برضو عن موضوع إعادة اختراع العجلة ده، الرابط بتاعها في أول تعليق - لمن أراد الاطلاع عليها -
ملاحظة ختامية: الكلام هنا فيه نوع من التبسيط عشان نفتح المواضيع بس، وإلا، فكل قرار بتاخده تأثيره بيكون كبير جدا وبيحتاج لدراسة للبدائل المختلفة، ومناسبتها لسياق المؤسسة.

19/01/2022

اتكلمنا معاكو في بوست قبل دة عن Flutterو Dart واتعرفنا عليهم مع بعض وكمان عرفنا اهم الايجابيات والسلبيات في استخدامهم.
علشان كدة في البوست دة وكتكملة للبوست الي فات هنتكلم معاكو عن:
- مجموعة افكار لمشاريع ممكن تحقيقها باستخدام Flutter, Dart.
-وكمان ازاي ابداء في العمل باستخدام Flutterو Dart.
-اهم الكورسات المتاحة علي الانترنت الي تقدر من خلالها تتعلم Flutterو Dart.

📌نيجي لاول نقطة معنا في البوست وهيا اهم المشاريع الي ممكن انفذها باستخدام Flutterو Dart👇

1/ تطبيق شبية بمنصة الانستقرام instagram:
في الحقيقة تطبيق الانستقرام من خلال واجهتة بسيط جداً، وتقدر تعمل زية بسهولة ودة علي عكس تطبيقات تانية زي تويتر او يوتيوب.
تقدر تعتمد علي المشروع دة علشان تقدر تتدرب علي التعامل مع الصور، وقواعد البيانات من ارسال واستقبال البيانات، وكمان تقدر تشتغل علي تطويرة بحيث يكون تطبيق مراسلة كمان مش مشاركة صور وبس.
من التطبيقات المشابهة هوFluttergram هو تطبيق مفتوح المصدر شبية بالانستقرام بكل الخصائص، بيعتمد علي الFirebase كنوع من الBackend وتم بنائة من الصفر باستخدام Flutterو Dart.

2/تطبيق ل تعقب أسعار العملات المشفرة والرقمية:
عمل تطبيق تقدر من خلالة جلب أشهر العملات المشفرة، وترتيبها حسب قيمتها في السوق، ومعرفة سعرها.
التطبيق دة هيساعدك تتعلم تصميم واجهات تطبيقات احترافية، وكمان التعامل مع الAPL's الخارجية.
ودة لينك مشروع علي منصة جيتهاب عمل نفس الفكرة👇
https://github.com/salvadordeveloper/flutter-crypto-app

3/تطبيق استقبال طلبات الطعام:
فكرة انك تدخل علي تطبيق لطلب الطعام واختيارة وعمل الاوردر علي التطبيق ممكن تكون شايفها فكرة بسيطة لكن في الحقيقة الفكرة دي ليها جوانب صعب علي المبتدئين تحقيقها
زي تعقب الطلبات علي الGps, او الدفع المباشر عن طريق التطبيق، لكن انت تقدر تعمل دة عن طريق استخدامFlutterو Dart علي شكل تطبيق للموبايل.
وفي اللينك دة هتلاقي واحد مطبق نفس الفكرة وكمان نشر الكود علي منصة جيتهاب 👇
https://github.com/DevStack06/food-delivery-flutter

4/تطبيق تسجيل الملاحظات والمهام اليوميةTODOlist:
المشروع دة بسيط جدا، تقدر تعمل صفحة واحدة يقدر من خلالها المستخدم اضافة نشاطات علية القيام بها، وكمان تقدر تطورها باضافة منبة للتذكير بوقت القيام بالمهام.
وفي اللينك دة هتلاقي مشاريع لتقنية الtodolist👇
https://github.com/sabinbajracharya/fluttery-todo

5/تطبيقات التوجية(Guide)
وهي عبارة عن تطبيق بيشرح لك خدمة معينة او تطبيق معين. مثلا تطبيقGuide بيشرح لك طريقة لعب لعبة Among Us.
التطبيق عبارة عن مجموعة من الصفحات(Activities) والتي يمكن الانتقال لها من خلال زرين، بيشرح لك في كل صفحة عن طريقة تحميل اللعبة وطريقة اللعب.
وبالرغم من سهولة التطبيق لكن من خلالة هتقدر تتدرب علي تقنيات الUL وادماج الصور والأزرار والتعامل معها.

6/تطبيق مراسلة زي واتسآب:
ودة واحد من المشاريع الي هتلاقيها منتشرة جداً علي اليوتيوب في شرح استخدام Flutter.
وهتقدر من خلال تطبيق المشروع دة تهيئة الواجهات بإحترافية كبيرة زي المستخدمة في اشهر تطبيقات المراسلة واتسآب وتيليجرام.
ومن خلال الDart هتقدر تتحكم في التطبيق من حيث ادارة الرسائل والاتصال بقواعد البيانات خصوصا باستخدام تقنية
ال Firebase.
وفي اللينك دة هتلاقي الطريقة الكاملة لعمل تطبيق مراسلة باستخدام Flutter 👇
https://github.com/iampawan/FlutterWhatsAppClone

7/تطبيق اقتراحات افلام ومسلسلات:
فكرة التطبيق دة انك بتطلب من المستخدم اضافة بعض البيانات، زي نوعية الافلام المفضلة بالنسبة لية، او الافلام الي شافها قبل كدة، وبناء علي المعلومات دي التطبيق هيقترح علي المستخدم الافلام والمسلسلات المناسبة لية
وتقدر تطور في التطبيق عن طريق اضافة عمل حساب علي التطبيق، اضافة الافلام والمسلسلات المفضلة علي الحساب، الحصول علي اشعارات باحدث الافلام والمسلسلات المفضلة.
وفي اللينك دة هتلاقي طريقة عمل تطبيق لاقتراح الافلام والمسلسلات👇
https://github.com/roughike/inKino

8/تطبيق تسوق عبر الانترنت:
ممكن تنفذ المشروع دة بطريقتين
الطريقة الاولي هيكون التطبيق فيها تابع لمتجر الكتروني محدد هتوصل لقاعدة بياناتة وتطور تطبيق تجاري يقوم بعرض منتجات من المتجر وعرضها علي المستخدم، وحفظ المنتجات الي بيختارها المستخدم، واقتراح منتجات جديدة.
الطريقة التانيةبيعتمد فيها تطبيقك علي تطبيقات تانية، ودور تطبيقك هنا هيقتصر علي توجية المستخدم للمتجر الاصلي.
وفي اللينك دة هتلاقي مشروع لتطبيق Ecommerce باستخدامFlutter👇
https://github.com/abuanwar072/E-commerce-App-UI-Flutter

9/واجهة تسجيل دخول :
وانت بتستخدم Flutter اتدرب علي اد ما تقدر علي عمل الواجهات لان في كل الاحوال دة الهدف الاساسي من Flutter
علشان كدة من المهم تدرب علي عمل صفحة تسجيل الدخول وعمل الحساب بستيلات مختلفة.
ودة لانها سهلة في العمل والتطوير ومش هتحتاج اقسام ولا عناصر كتير في الصفحة.

10/تطبيق البحث عن كتب:
ممكن تعمل تطبيق بسيط جداً عبارة عن محرك بحث يكتب اسم كتاب فيقوم بالبحث في اشهر مواقع تحميل الكتب واستخراج معلومات الكتاب وممكن تشتغل علي تطوير التطبيق عن طريق اضافة خاصية تحميل الكتاب او القراءة عبر التطبيق.
وفي اللينك دة هتلاقي تطبيق لنفس المشروع علي منصة جيتهاب👇
https://github.com/JideGuru/FlutterEbookApp

📌طب ازاي ابداء الشغل باستخدام Flutterو Dart؟

هتقدر تعمل دة بشوية خطوات هنقولهالك هنا👇

1/تحميل البرمجيات الاساسية لاستخدام Flutterو Dart أهمهاGit, Android studio, Vs code.

2/تحميل Flutter SDK وتقدر تستخدم اللينك دة للتحميل
https://docs.flutter.dev/get-started/install
وبعدين هتختار نظام التشغيل والمنصة هتشرح ليك الخطوات الباقية.

3/ممكن يطلب منك ادراجFultter varible ودة علشان تقدر تشغل Flutter من اي برنامج ومن اي جهاز.

📌نيجي بقي لاخر حاجة معانا في البوست وهي اهم الكورسات المتاحة على الانترنت لتعلم Flutterو Dart.

1/الكورس دة باللغة العربية علي اليوتيوب عبارة عن 100فديو بيشرح لك كل حاجة عن فلاتر ودة اللينك👇
https://www.youtube.com/watch?v=ckwAJ4O3fvU&list=PL93xoMrxRJIsoHL8gG1UBfVoXKi7OxbLU

2/كورس لتعلم Flutter في فديو واحد مدتة 4 ساعات ودة اللينك👇
https://www.youtube.com/watch?v=pTJJsmejUOQ&t=92s&pp=ugMICgJhchABGAE%3D

3/كورس الدليل الكامل لتعلم Flutterو Dart لسنة 2022 من منصة Udemy ودة اللينك👇
https://click.linksynergy.com/deeplink?id=ya8uMDVAGuI&mid=39197&murl=https%3A%2F%2Fwww.udemy.com%2Fcourse%2Flearn-flutter-dart-to-build-ios-android-apps%2F

4/كورس دليل المبرمجين لتعلم Flutterو Dart من منصة Udemy ودة اللينك 👇
https://click.linksynergy.com/deeplink?id=ya8uMDVAGuI&mid=39197&murl=http%3A%2Fhttps%3A%2F%2Fwww.udemy.com%2Fcourse%2Fdart-and-flutter-the-complete-developers-guide%2F

👈ولازم نفكركم بنقطة مهمة هنا وهيا ان اي كورس بتشوفة مش هيكون فية منة فايدة من غير ما تشتغل وتطبق الي بتاخدة دة بايدك وطبيعي مش هتعمل الحاجة صح من اول مرة لازم هتغلط والمهم هنا تعرف غلطك فين وتصلحة وتتعلم منة.

📌وفي نهاية البوست حبينا نقولكم لو كان قرارك انك تبداء تتعلم Flutterو Dart فدة قرار في محلة لانك هتقدر من خلالهم تتعلم تقنيات جديدة في مجال البرمجة بشكل عام، وكمان من الملاحظ انها هتكون مطلوبة بشكل كبير في سوق العمل.

AutoFlow

21/03/2022

22/02/2022

16/02/2022

16/02/2022

11/02/2022

23/01/2022

19/01/2022

Address

Telephone

Website

Alerts

Contact The Business

Shortcuts

Share

Category