ICTP Creative Land - BSU

10/02/2016

تدريب التسويق الحديث (تنبيه هـــــــــــــام).......
كان المفروض تم الاتصال علي كل اللي حجز معانا دلوقتي
ولكن القاعه اللي هناخد فيها التدريب جوه الجامعه الورق بتاعها
لسه للاسف هيخلص يوم الاحد او الاثنين علشان القاعه مشغوله حاليا
وعلشان كده الاتصال هيبقي يومي الاثنين والثلاثاء ان شاء الله
بنعتذر علي التأخير ولكن دي امور اداريه خارجه والله عن ارادتنا
وحبينا نوضحها لكم ذي ما وصلتلنا .....
من جهة تانيه التدريب الحجز له هيفضل مفتوح حتي يوم الاحد القادم
ولكن احنا كفريق التسويق مش هننزل اي بوستات ترويجيه تاني للتدريب
وgكن ممكن الناس اللي حجزت تدعو اصحابها اللي لسه محجزوش....
التدريب مدعم وتكاليفه مجرد رسوم اداريه 80 ج + 30 ج للشهاده
والشهاده من الجامعه علشان الناس اللي بتسال ع الشهاده
واللي حابب يعرف معلومات اكتر عن التدريب
يشوف البوستات اللي نزلناها قبل كده علي صفحتنا....
التدريب الحجز فيه الكتروني
هتبعتلنا رساله فيها البيانات التاليه
الاسم / الفرقه والكليه / الموبايل / الرقم القومي / العنوان.......
هيتم الاتصال علي اللي هيحجز علي منتصف الاسبوع القادم بأذن الله
جروب التدريب :
https://www.facebook.com/groups/483940911783270/
للاستفسار : 01229985961

05/02/2016

طبخه الماركتينج (الخلطه السحريه لتدريب التسويق).......
اه هوة فعلا كده ذي ما العنوان بيقول التدريب بتاعنا عبارة عن طبخه
في التدريب ده مش مجرد انك هتدخل تاخد ماده علميه في مجال التسويق بس
لا التدريب ده معمول مخصوص علشان يغير ويأثر في حياة المتدربين بتوعه
علشان كده هنتعلم فيه اكتر من عنصر اعتبرها خلطبيطه بالصلصه
1) اكيد هنتعلم فيه تسويق
2) هنتعلم فيه time management
3) هتتعلم فيه team work
4) هتتعلم فيه اذا تقدر تقف قدام الناس وتتكلم من غير ما تخاف
5) هتتعلم فيه اذاي تحلل كل اللي بتشوفه بمفهوم اقوي
6) وشويه حاجات تانيه عبثيه تكتشفها ف التدريب نفسه....
التدريب الحمد لله مدعم من الجامعه علشان كده تكاليفه مجرد رسوم اداريه 80 ج + 30 ج للشهاده
والشهاده من الجامعه....
التدريب الحجز فيه الكتروني
هتبعتلنا رساله فيها البيانات التاليه
الاسم / الفرقه والكليه / الموبايل / الرقم القومي / العنوان.......
هيتم الاتصال باللي هيحجز علي اول الاسبوع القادم بأذن الله
جروب التدريب :
https://www.facebook.com/groups/483940911783270/
للاستفسار : 01229985961

04/02/2016

تدريب التسويق (يومين والحجز ينتهي).......
التدريب ده معمول لـ
1 ) للناس اللي مش بيشتغلوا لكن عاوزين يتعلموا Marketing و هدفه انه يطلع Marketers علي الطريقه

الحديثه فى وقت قياسى وبكده يبقي فتحنا ليهم مجال عمل
2 ) ومعمول للناس اللى اصلا شغالين فى الـ marketing و عاوزين يطوروا من نفسهم ..
الـTraining ده هيبقى معتمد على انهم هيتعلموا و يشتغلوا و يطبقوا بنفسهم.....................
من خلال التدريب ده
هتدرس تسويق الكتروني في احدث صوره
وهتتعلم ازاى تشتغل تسويق الكتروني وازاى تسوق لفكرتك
او مشروعك وتستخدم شبكات التواصل الاجتماعي
بطريقه تفيدك صح وتكسب منهااا مش مجرد شغل fun وخلاص
هتدرس تسويق ميداني وهتعرف توصل للعملاء بتوعك اذاي
سواء ف الشارع او ف البيت او ف العمل بطريقه تحببهم فيك
هتتعلم ازاى تحلل اى حاجة قدامك مش تشوفها وخلاااص
هتتعلم ازاى تغير فى فكرك وازاى تقنع الـ customer بالخدمه
او المنتج اللى بتقدمه (بعد ما تتاكد انها فعلا هتفيده طبعا)
هتتعلم اخر اتجاه محتررررم ظهر في المجال ده ....
التدريب مدعم من الجامعه علشان كده تكاليفه مجرد رسوم اداريه 80 ج + 30 ج للشهاده
والشهاده من الجامعه....
التدريب الحجز فيه الكتروني
هتبعتلنا رساله فيها البيانات التاليه
الاسم / الفرقه والكليه / الموبايل / الرقم القومي / العنوان.......
هيتم الاتصال باللي هيحجز علي اول الاسبوع القادم بأذن الله

للاستفسار : 01229985961

02/02/2016

احنا بتوع الماركتينج (كلام مهم).......
الشخص اللي ابتدي التدريب ده كان هدفه انه يساهم في تقويه الشباب وتجهيزهم لسوق العمل
لان هوة نفسه لما اتخرج من كليته اكتشف ان الكليه وحدها ملهاش قيمه في سوق العمل
وانه محتاج يقوي نفسه في مجالات كتيييره اول غير التخصص بتاع الكليه بتاعته
ولقي ان الكلام ده بينطبق علي معظم الكليات
فقرر بعد ما وصل لمكانه كويسه انه يساعد الشباب بأنه يفتحله مجال عمل جديد وهوة التسويق
او انه يساعدهم في انهم يقووا مهاراتهم الشخصيه ويعرفهم اذاي يسوقوا لنفسهم في سوق العمل
علشان كده بيحاول علي اد ما يقدر كل ما الجامعه تسمحله بأنه يدرب طلاب ويساعدهم انهم يطوروا نفسهم....
التدريب الحجز فيه الكتروني
هتبعتلنا رساله فيها البيانات التاليه
الاسم
الفرقه والكليه
الموبايل
الرقم القومي
العنوان.......
هيتم الاتصال باللي هيحجز علي اول الاسبوع القادم بأذن الله

للاستفسار : 01229985961

01/02/2016

تدريب الماركتينج والانفوجرافيك ;) ;) .......
الصورة اللي قدامك دي نوع من انواع التسويق الالكتروني اللي اسمها انفوجرافيك Infographic ودي انك بتسوق للحاجه بتاعتك عن طريق الصوره وبس فبتحاول توضح فيها كل اللي انت عاوز توضحه
وده لان فيه ناس كتير مبتحبش تقرأ :/ :/ وبتتشد اكتر للمرئيات اللي هيه الصور والفيديو :D :D
ده احد اساليب الماركتينج اللي هنتكلم عنها ونعرف نعملها اذاي ف التدريب B| B| ....
التدريب الحجز فيه الكتروني
هتبعتلنا رساله فيها البيانات التاليه
الاسم
الفرقه والكليه
الموبايل
الرقم القومي
العنوان.......
هيتم الاتصال باللي هيحجز علي اول الاسبوع القادم بأذن الله

للاستفسار : 01229985961

30/01/2016

تدريب الماركتينج الاول .......... تفاصيله من الاخر :)

تكلفته مدعم من الجامعه بـ 80 ج + 30 ج للشهاده
الميعاد : هنبدأ بعد اسبوع ان شاء الله الناس اللي بتبعت بياناتها بنتصل عليهم قبل البدأ بيومين وبنعرفهم ميعاد مجموعتهم ومكان القاعه او المعمل
فترة التدريب: بيبقي 3 اسابيع مرتين ف الاسبوع واحيانا بنحتاج اسبوع رابع ;)
مكان التدريب : بيبقي في قاعه كويسه او معمل كمبيوتر جوة الجامعه ولو مش متوفر بيتم حجز قاعه تناسب التدريب بره الجامعه B|
محتوي التدريب : جزئين الاول تسويق ميداني والتاني تسويق الكتروني 8-)

التدريب الحجز فيه هيبقي الكتروني
هتبعتلنا رساله فيها البيانات التاليه
الاسم / الفرقه والكليه / الموبايل / الرقم القومي / العنوان ......
التدريب هيبقي مميز للدفعه دي علشان هيبقي فيه هديتين هنوضحهم اكتر في البوست بتاع بكرة ;) ;) ;) .........
وطبعا علشان اللي هيسأل علي الشهادات فهتبقي من الجامعه ولكن بنقول تاني اننا مبنلعبش خالص ع الشهادات ولكن علي الفرق اللي هنعمله في حياة المتدربين

للاستفسار : 01229985961

03/01/2016

الايميل الجامعي...........................
علي سبيل الذكر لا الحصر
دي بعض مميزات الايميل الجامعي
* سعه تخزينيه عاليه
* امكانيه ربط البريد الجامعي بأي بريد شخصي ذي الياهو والجي ميل وغيرهم علشان مش تحتاج انك تسيب ايميلك القديم
* خصوصيه عاليه وحمايه من ال spam
* تستطيع عمل share لملفات مرفوعه عليه وتتيحها لمن ترغب
* مثبت عليه برامج office فمش هتحتاج تثبت عندك نسخه اوفيس حتي تتمكن من تعديل وقرائه ملفات ال word وال excel وال powerpoint
* شطر اساسي استخدامه في المراسلات خارج مصر
* يحتسب كنوع من الاثبات بدراستك او تدريسك بالجامعه........
البريد متاح لكل المجتمع الجامعي (طلاب - دكاتره) ومن غير اي تكاليف.............
طيب هنجيبه اذاي ؟؟!!....................
الطلاب هيدخلوا علي الموقع التالي ويدخلوا الرقم القومي كاملا
وهيظهرله صفحه فيها بياناته ومنها بيانات الايميل الجامعي
http://193.227.35.11/stud_email/
ملحوظه: اللي يظهرله ان بياناته لسه مش اتسجلت علي النظام
يتوجه الي شئون الطلاب ويسجل الرقم القومي هناك ويطلب ايميله الجامعي او من مشروع البوابه بفاصل 7 كليه تجارة الدور الثاني

03/01/2016

موقع جامعه بني سويف في ثوبه الجديد
http://www.bsu.edu.eg/

قدم فريق عمل مشروع البوابه موقع الجامعه في شكل يجمع بين البساطه والسهوله التي طالب بها طلاب الجامعه وبين التصميم الجذاب وتجميع المعلومات وتنسيقها التي طالب بها اعضاء هيئة التدريس والموظفين

فريق عمل البابه بأنتظار مقترحاتكم وطلباتكم من خلال الموقع او من خلال زيارة الفريق في كليه التجارة - فاصل 7 الدور الثاني :)

يتقدم أ.د/ أمين لطفي رئيس الجامعة بخالص العزاء إلى الأستاذ الدكتور/ محمد القاسم الأستاذ بكلية العلوم في وفاة أبنه وشقيق الأستاذ/عمر محمد القاسم الموظف بإدارة رعاية الشباب بالجامعة أسكنه الله فسيح جناته وألهم الأسرة الكريمة الصبر والسلوان. [أكمل..]

22/07/2015

28/04/2015

موقع الجامعه الجديد .........
في الموقع القديم كان الطلاب والدكاتره بيواجهوا مشاكل كتير
منها صعوبه التصفح
وتشتت الموضوعات
ووجود خدمات انتهت مدتها

وبناءا عليه تم انشاء موقع جديد للجامعة يضم كل الخدمات المتوفره بالفعل ويتميز بسهوله التصفح

ده رابط الموقع الجديد للجامعه
http://www.bsuv.bsu.edu.eg/
يا ريت تشوفوا الموقع وتقولوا رأيكم هناك في استطلاع الرأي :)
ملحوظه : الموقع ما زال تحت البناء وقريبا سيتم الانتهاء منه :)

08/04/2015

الابحاث ومصادرها :/ !!!
عندك ابحاث كتير ومش لاقي مصادر تشتغل منها !!!!!
بتحتاج كل يوم تدخل علي المكتبه وتفضل تدور في الكتب لحد ما تلاقي كتاب انت محتاجه !!!
نفسك تلاقي مصادر تشتغل منها وانت في البيت !!!

المكتبه الرقميه بتقدم خدمات توفرلك اجابه وحلول للاسئله دي :)
هتلاقي علي المكتبه الرقميه قائمه بكل الكتب اللي موجوده في مكتبه كليتك وتقدر تدور علي الكتاب اللي انت محتاجه وتعرف مكانه هيبقي فين بالظبط في المكتبه وتدخل علي طول تجيبه وتستخده
هتلاقي علي المكتبه الرقميه خدمه اسمها قواعد البيانات ودي هتلاقي عليها نصوص ابحاث وكتب ومقالات في كل المجالات تقدر تحملها من نت الجامعه ببلاش وتستفيد منها في البيت او في الجامعه
الرابط ده فيه شرح كامل اذاي تستخدم المكتبه الرقميه واذاي تدخل عليها وتعمل حساب تشتغل بيه وتحمل بيه من خارج الجماعه
http://bsumarketing.yolasite.com/%D8%A7%D9%84%D9%85%D9%83%D8%AA%D8%A8%D8%A9-%D8%A7%D9%84%D8%B1%D9%82%D9%85%D9%8A%D8%A9.php

مقر المكتبه الرقميه موجود مكان المكتبه المركزيه قديما في مبني ادارة الجامعه بالدور الارضي
وده موقع المكتبه الرقميه تقدر تدخل عليه وتشوف خدماته اللي قولنا عليها
http://eulc.edu.eg/
يا تري ايه الخدمات التكنولوجيه التانيه اللي ممكن تكون محتاجها علشان نحاول نوفرهالك !!