01/06/2026
سمعت قبل كدة عن حاجة اسمها فجوة دورة التشغيل؟!
ليها صور كتير لكن النسبة الاكبر انك تكون بتشتري كاش وبتبيع قسط وهنا بيحصل فجوة زمنية بتبتلع رأس مالك ⏳
اشتريت بضاعة ودفعت للمورد خلال 30 يوم.
البضاعة قعدت في المخزن 60 يوم لحد ما اتباعت.
ولما اتباعت، أديت العميل فترة سداد 60 يوم تانية.
الحسبة البسيطة؟ فلوسك محجوزة 150 يوم برا أي حساب، مش في
البنك، مش في إيدك، مش شغّالة ليك في أي حاجة.
دي مش أزمة سيولة عشانك غلطت في حاجة. دي أزمة هيكلية اسمها فجوة دورة التشغيل، وكتير من الشركات المربحة على الورق بتغرق فيها كل يوم من غير ما تحس.
إيه اللي بيحصل فعلاً؟
الشركة ممكن تبيع بربح محترم، وفي نفس الوقت تكون مش قادرة تدفع فاتورة أو تشتري مخزون جديد، لأن كل الكاش "موجود" على الورق في
شكل مديونيات ومخزون.
الـ Cash Conversion Cycle (CCC) هو المقياس اللي بيوضح ده بالأيام:
عدد أيام المخزون + أيام تحصيل المديونين − أيام سداد الموردين
كل ما الرقم ده أكبر، كل ما الضغط على السيولة أكبر.
ليه كتير بيتجاهلوا الموضوع ده؟
لأن الأرقام بتتفرج عليها منفصلة:
المشتريات بتشوف شغلها بشكل مستقل.
المخازن عندها تقاريرها.
المبيعات بتجيب العقود والأهداف.
ومحدش بيشوف الصورة الكاملة اللي هي: بين اللحظة اللي دفعت فيها وبين اللحظة اللي بتتحصل في ها، إنت بتموّل الفرق ده إزاي وبكام؟
الفجوة دى علشان متحصلش انت محتاج تحسينات جوهرية في دورة التشغيل من غير ما تأثر على علاقاتك بالموردين أو العملاء، بس محتاج تشوف الصورة الكاملة الأول.
المشكلة مش في الأرقام. المشكلة في إن الأرقام بتتشاف كل واحد على حدة.
