Engarc for electrical solutions

Engarc for electrical solutions توريد وتركيب وصيانة جميع انواع الانفرترات والكروت الإلكترونية
تصميم وتوريد وتركيب جميع أنواع اللوحات

أهمية ال VFD من أهم فوايد ال VFD خاصية البدء الناعم والتوقف الناعم طيب ممكن تقولى ازاى دى حاجة مهمة ؟علشان أشرح لحضرت...
02/01/2025

أهمية ال VFD


من أهم فوايد ال VFD خاصية البدء الناعم والتوقف الناعم طيب ممكن تقولى ازاى دى حاجة مهمة ؟
علشان أشرح لحضرتك أهمية خاصية البدء والتوقف الناعمين فى ال VFD هضطر أكلم حضرتك فى البداية عن منظومة زى منظومة المصعد أو منظومة زى منظومة الونش
فمثلا تخيل معايا الإهتزاز الشديد اللى بيحصل أثناء التحرك أو الوقوف أو الإنتقال من سرعة لسرعة فى منظومة المصعد على سبيل المثال أو الإرتجاج الشديد فى تراكيب الونش أثناء التوقف وهو شايل حمل بالأطنان و معرض للإفلات بسبب الإرتجاج ده
منظومة المصعد والونش منظومات حساسة جدا لأنها مرتبطة بحياة البشر و كمان مرتبطة بتكاليف الممتلكات
مغير السرعة وخاصية البدء الناعم قدرت تخفف من حدة الشعور بالتوقف والتحرك فى المصعد وتخفف من الارتجاج الحاصل فى الروافع والأوناش
خاصية البدء الناعم مش مجرد تسارع الانفرتر من الوقوف إلى السرعة القصوى فى زمن معين لأ فى كمان ما يعرف بال ودى خاصية بتخفف كتير من الصدمة فى بداية التحرك وعند الثبات على السرعة التشغيل وبداية التباطؤ وعند التوقف تماما زى ما حضرتك شايف فى الصورة فى الأسفل بتوضح الفرق بين Linear Ramp و S_Curve Ramp
وبيتكون زى ما حضراتكم شايفين من أربع منحنيات منحنى أثناء بدء التصاعد ومنحنى نهاية التصاعد ومنحنى بداية التباطؤ ومنحنى نهاية التباطؤ

أهم البرامترات الخاصة بخاصية البدء الناعم اللى ممكن تلاقيها فى أى دليل استخدام (manual)
1- زمن التسارع (Acceleration time)
وهو الزمن اللازم للوصل للأقصر تردد
2- زمن التباطؤ (Deceleration time(
وهو الزمن اللازم للنزول من أقصى تردد إلى إلى التوقف التام
3- زمن ال S-Curve الأول
هو زمن منحنى بدء التصاعد وبعض الانفرترات بيبقى فيها نسبة مئوية من زمن التسارع
4-زمن ال S-Curve الثانى
هو زمن منحنى نهاية التصاعد وبعض الانفرترات بيبقى فيها نسبة مئوية من زمن التسارع
5- زمن ال S-Curve الثالث
هو زمن منحنى بدء التباطؤ وبعض الانفرترات بيبقى فيها نسبة مئوية من زمن التباطؤ
6- زمن ال S-Curve الرابع
هو زمن منحنى التباطؤ وبعض الانفرترات بيبقى فيها نسبة مئوية من زمن التباطؤ

ازاى ال VFD بيوفر فى الطاقة ؟الفائدة التانية من فوائد ال VFD هى ال هل فعلا ال VFD بيوفر فى الطاقة ؟إجابة السؤال ده محت...
28/12/2024

ازاى ال VFD بيوفر فى الطاقة ؟
الفائدة التانية من فوائد ال VFD هى ال
هل فعلا ال VFD بيوفر فى الطاقة ؟
إجابة السؤال ده محتاجه مننا تخيل لمنظومة من غير ومنظومة تانية فيها
هنتخيل مع بعض منظومة مضخة عايزين نتحكم فى ال flow الخاص بيها فبالتالي هيبقى فى عندى valve بتحكم فيه سواء كهربيا أو يدويا فبالتالي الطاقة اللى بتستهلكها المضخة هى هى نفس العزم ونفس السرعة مفيش حاجه اتغيرت
لو فى عندنا VFD النتيجة هتبقى مختلفة جدا لأنى المرة دى هتحكم فى ال flow عن طريق السرعة فلما هقلل السرعة هيقل العزم وفى الصور تحت هتلاقى curve خاص بال torque speed characteristics وهتلاقى إن السرعة لما بنقللها عزم ال pump بيقل بنسبة كبيرة لأن علاقة التناسب تربيعية مش خطية
وبالتالى القدرة هتقل بنسبة أكبر فى مقابل تغير السرعة الطفيفة وده بيوضحة ال pump speed power characteristics
نقدر نقيس ده على الأحمال المشابهة زى ال fans و air compressors وغيرها من الأحمال
أتمنى أكون أفدتكم

أهمية ال VFDبسم الله والحمد لله والصلاة والسلام على رسول الله النهاردة هنتكلم عن موضوع فى غاية الأهمية وهو أهمية ال هنح...
25/12/2024

أهمية ال VFD
بسم الله والحمد لله والصلاة والسلام على رسول الله النهاردة هنتكلم عن موضوع فى غاية الأهمية وهو أهمية ال
هنحاول نختصر ونبسط بقدر الإمكان
كلنا عارفين إن تيار البد للمحرك الحثى بيوصل ل 6 أو 7 أضعاف تياره المقنن وبالتالى بلجأ لبعض الحلول للمشكلة دى فعلى سبيل المثال ممكن أستخدم مجموعة مقاومات على ال stator هتقلل الجهد وبالتالى هيقل تيار البدء بس فيها عيوب هى ال losses و عزم بدء ضعيف
ممكن أستخدم مجموعة مقومات مع الrotor فى حالة انه Slip ring بس مع الأسف طريقة غالية جدا وبتحتاج صيانات متكررة ومن مميزاتها عزم بدء عالى
فى طريقة تالتة وهى Star Delta connection ودى بتقلل جهد فازة المحرك بنسبة 1:0.577 فبيقل تيار البدء ل 3 أضعاف التيار المقنن فقط بس طالما قل الجهد فالعزم هيقل بالتأكيد وعيوب الطريقة دى إن فى بعض التعقيد فى الدائرة وبتحتاج صيانة من فترة للتانية ولا تزال مستخدمة بكثرة فى وقتنا الحاضر
بعد ثورة ال Power Electronics ظهر الثيريستور وظهر معاه ما يعرف بال phase control اللى من خلاله قدرنا نتحكم فى جهد الAC ونقدر نسمى الدائرة دى AC chopper circuit أو ال Soft starter وهو عبارة عن اتنين ثايريستور back to back زى ما احنا شايفين فى الصور تحت الوضع ده بيقلل قيمة الجهد بشكل ملحوظ
وعشان تعمل starting محتاج تبدأ بجهد قليل وتبدأ تزوده واحدة واحدة وبعدين فى By bass contactor بيبدأ يخرج الثايريستور بعد وصول سرعة الموتور لحد معين
عيوب الطريقة دى هى
1-عزم بدء ضعيف
2-وتيار البدء بتاعها بيتراوح من ضعفين لأربع أضعاف تيار البدء ودى مقارنة بالطريقة الجاية عالى نسبيا
3-أغلى من ال star delta
ومن مميزاتها تقدر تتحكم فى زمن التسارع وزمن التباطؤ (بمعنى إنى أقدر أعمل فرملة للمحرك فى زمن معين)
الطريقة الأخيرة وهى ال Variable Frequency Drive أو ال AC Electrical Drive
كل الطرق اللى فاتت كنا بنتحكم فى الجهد وبالتالى كان عزم البدء بيبقى قليل بالنسبة للطريقة دى اللى بتحكم فيها فى الجهد والتردد مع بعض زى ما اتكلمنا قبل كدة وبالتالى بحصل على عزم بدء عالى وكمان لما ببدء بجهد قليل وتردد قليل ده بيقلل تيار البدء إلى أقل من التيار المقنن وبالتالى فهو حل جذرى لمشكلة تيار البدء العالى وكمان عالجنا مشكلة عزم البدء الضعيف ولذلك فهى أفضل طريقة بدء بس مكلفة شوية 😁

الصور فيها توضيح للطرق المستخدمة حاليا للبدء ومقارنة للأمبير فى كل حالة

مصطلحات مهمة بخصوص ال النهاردة هنتكلم عن مجموعة مصطلحات بتظهر معانا دايما فى أى مانيوال لأى درايف ومن المهم جدا إنك تكو...
23/12/2024

مصطلحات مهمة بخصوص ال
النهاردة هنتكلم عن مجموعة مصطلحات بتظهر معانا دايما فى أى مانيوال لأى درايف ومن المهم جدا إنك تكون عارفها
أولا Quadratic V/F control أو Squared V/F control
معنى المصطلح ده إن العلاقة بين الجهد والتردد علاقة غير خطية بالتحديد بتبقى squared curve زى اللى فى الصور تحت وبالتالى فالعزم فى الحالة دى بيبقى أقل من العزم فى حالة ال linear V/F control وده بيقلل الطاقة المستهلكة فى حالة بعض التطبيقات اللى بيتناسب فيها العزم مع مربع السرعة زى المراوح ومضخات الطرد المركزى
ثانيا Programable V/F control
المصطلح ده بيعبر عن قدرتك فى التحكم فى العزم عن طريق اتاحة المصنع ليك 3 نقط تقدر تغير فيهم براحتك بين الجهد والتردد وبالتالى هتحصل على curve جديد فى كل مرة هتدخل قيم التلت نقط وبالتالى هتحصل على العزم اللى أنت محتاجه عند نقطة التشغيل المطلوبة
ثالثا Torque boost
معنى المصطلح ده هو زيادة نسبة عزم البدء بنسبة معينة عن طريقة زيادة الجهد عند بدء التصاعد
الصور تحت بتوضح التلت مصطلحات بشكل أوضح من الكلام 😁

22/12/2024

نبذه..
البطاريات في محطات الكهرباء:-

البطاريات تعتبر هي المصدر الاحتياطي للتيار المستمر D. C في حاله فصل الشاحن لاعمال الصيانه او تعطله عن العمل او في حاله وجود فصل شامل للمحطه

وظيفه الشاحن هي تحويل التيار المتردد A.C الي تيار مستمر D. C

عدم وجود التيار المستمر D.C يؤدي الي عواقب وخيمه نتيجه عدم اشتغال اجهزه الوقايه Protection Relays عند حدوث عطل Fault في الشبكه الكهربيه وهذا يودي الي اضرار جسيمه بالشبكه الكهربيه Electrical Grid بالاضافه الي عدم القيام باي مناوره من فصل او توصيل للقواطع C. B و السكاكين Isolators


معظم محطات المحولات Transformer Substation تحتوي علي مجموعتي بطاريات مجموعه 1 ومجموعه 2 وتعطي 110 او 220 فولت حسب الجهد المطلوب لاجهزه الوقايه والقواطع Circuit Breaker

* ولاهميه البطاريات بيتم عمل مجموعه من القياسات والاختبارات علي فترات دوريه للاطمئنان علي حاله البطاريات وتسجيل القراءات ومقارنتها بالقراءات السابقه ومن تلك الاختبارات :
-قياس الجهد والكثافه لكل عمود.
-عمل قياس منحنى الشحن والتفريغ.
-قياس المقاومة الداخلية

المحرك الحثى و ال بسم الله والحمد لله والصلاة والسلام على رسول الله مقدمة بسيطة عن المحرك الحثى قبل ما نبدأ كلامنا عن V...
19/12/2024

المحرك الحثى و ال
بسم الله والحمد لله والصلاة والسلام على رسول الله مقدمة بسيطة عن المحرك الحثى قبل ما نبدأ كلامنا عن V/F control أو
المحرك الحثى بيتكون من ٣ ملفات متواجدين فى العضو الثابت من المحرك بيتوصل عليهم فازات الشبكة التلاتة فبيبدأ يمر معايا تيار فى الملفات التلاتة وبسبب إن فيه زاوية بين الموجة الجيبية لكل فازة ١٢٠ درجة وبسبب تصميم المحرك كذلك بيتولد فى ال air gap اللى بين العضو الثابت والعضو الدوار مجال مغناطيسي #دوار ومعنى كلمة دوار إن المجال المغناطيسى بيلف فى ال air gap
طيب نيجى بقا للعضو الدوار وبيسموه قفص سنجابى وزى ما انتوا شايفينه فى الصور فهو مجموعة بارات موصلة متوصلة النهايات بتاعتهم من الجانبين بحلقة موصلة برده فبيشبه لحد كبير قفص الهامستر 😁
فلما بيقطع المجال المغناطيسى الدوار اللى فى ال air gap القفص السنجابى بيتولد بالحث قوة دافعة كهربية وبيتولد فى البارات تيار كهربى لأن نهايات البارات متوصلة بحلقات موصلة ولما بيتولد تيار كهربى فى البارات بيتولد حوليه مجال مغناطيسي بيعاكس المجال المغناطيسى الأصلى فبيبدأ العضو الدوار فى الدوران
بما أننا فهمنا طريقة عمل المحرك الحثى فلازم نسأل نفسنا دلوقتى إزاى أتحكم فى سرعة العضو الدوار ؟ وإيه العوامل اللى اقدر أغير فيها عشان السرعة تتغير ؟
إجابتك صحيحة التردد لأن الترد هيزود سرعة المجال المغناطيسى فهيزيد معدل قطع بارات العضو الدوار فهتزيد معانا السرعة بس مع الأسف الطريقة دى فيها عيب ألا وهو إن معاوقة الملفات هتزيد بزيادة التردد فهتقلل العزم بشكل ملحوظ وده ظاهر معاك فى الصورة المرفقه مع المنشور لمنحنى العزم والسرعة
طيب هل فى طريقة نتحكم فيها فى السرعة غير التردد ؟ أيوة طبعا الجهد فبتغير الجهد بيتغير معايا شدة المجال المغناطيسى فبقدر أحصل عزم أكبر وسرعة أكبر بس مقدرش أزود الجهد عن الجهد المقنن وكمان مش هقدر أحصل على مساحة التغيير المناسبة وده ظاهر برده فى منحنى العزم والسرعة تحت 👇
طيب فى عندى طريقتين وكل طريقة ليها عيب بس مع دمج الطريقتين دول بقدر أحصل على الحل المناسب وهى طريقة ال V/F Control أو ما تسمى بال وده بيتم مع تغيير التردد مع الجهد بنسبة ثابتة وهى نسبة التيار المقنن إلى التردد المقنن للمحرك والطريقة دى ليها مجموعة مميزات رائعة وهى
1- بزود عزم البدء
2- وبحصل على عزم عالى جدا عند سرعات بطيئة جدا
3- بحصل على مساحة واسعة من تغير السرعة
4- بقلل تيار البدء
لكن ليها عيب واحد وهو انى مبقدرش ازود الجهد عن الجهد المقنن للمحرك وبالتالى بلجأ لإنى بزود التردد لواحده فقط مع ثبات الجهد
لحد هنا نتوقف ونكمل فى بوستات تانية 😁
___________________________
الصور فيها صورة للقفص السنجابى وصورة لمنحنى العزم والسرعة لكل طريقة من التلت طرق وصورة لمنحنى تغيير السرعة مع التردد

أهمية مغيرات السرعة أو الإنفرترات ١- تعمل مغيرات السرعة على التحكم في سرعة المحركات الكهربيةإلى القيمة المرغوب فيها ٢- ك...
18/12/2024

أهمية مغيرات السرعة أو الإنفرترات
١- تعمل مغيرات السرعة على التحكم في سرعة المحركات الكهربيةإلى القيمة المرغوب فيها
٢- كما أنها تقلل من تيار البدء مما يؤدى إلى زيادة العمر الإفتراضى للمحركات فهى أفضل حلول البدء على الإطلاق وذلك لأن تيار البدء يكون أقل من التيار المقنن على عكس الطرق التقليدية الأخرى
٣- تزيد من عزم البدء
٤- البدء الناعم المناسب لتطبيقات الأوناش والمصاعد
٥- التوفير فى الطاقة فالتحكم فى السرعة بدون استخدام صندوق التروس يؤدى إلى توفير الطاقة
٦- التوقف الناعم وهذا مناسب لتطبيقات المضخات الغاطسة مما يحد من تأثير عمود الماء على المضخة

بسم الله والحمد لله والصلاة والسلام على رسول الله من باب حابب أكلمكم فى مجموعة منشروات خلال الفترة الجاية عن ال -أو ...
15/12/2024

بسم الله والحمد لله والصلاة والسلام على رسول الله
من باب حابب أكلمكم فى مجموعة منشروات خلال الفترة الجاية عن ال -أو زى ما بنسميها الانفرترات- بتتكون من ايه وأهميتها وال control modes الخاصة بيها والحمايات المتعلقة بيها وازاى نتعامل معاها ونبرمجها وازاى نعملها troubleshooting لو حصل أعطال
هنتكلم النهاردة عن مقدمة سريعة عن الموضوع ومعنى كلمة Drive والتركيب الداخلى الخاص بيها نبدأ على بركة الله
قبل ثورة ال الحديثة كان أغلب الصناعات معتمدة على ال DC motors لسهولة التحكم فى سرعتها وبالتالى كان بيتم تحويل جهد الشبكة المتردد لجهد ثابت عن طريق محرك AC كبير مربوط ميكانيكيا بمولد DC فيمايعرف ب motor generator set
وكانت المحركات الحثية نادرة الإستخدام فى الصناعة ده بسبب صعوبة التحكم فى سرعتها ولأن تيار البدء بتاعها عالى وكانت بتستخدم فى التطبيقات ثابتة السرعة وكانت بيستخدم معاها طريقة من طرق البدء star delta على سبيل المثال
بعد ثورة ال وظهور الباور دايود والباور ترانزيستور بقا من السهل جدا التحكم فى طبيعة وجهد وتردد الطاقة الكهربية بكفاءة عالية فبقى من السهل جدا أحول من تيار متردد لتيار مستمر وكمان نتحكم فى قيمة الجهد والتردد وطالما أقدر أتحكم فى التردد والجهد فبقى من السهل جدا أتحكم فى سرعة المحركات الحثية
بيتكون الانفرتر من الداخل من موحد ثلاثى الطور بيحول جهد الشبكة المتردد لجهد DC بس متغير القيمة زى ما موجود فى الصور وبعدين بنوصل مكثفات بقيمة فراد كبيرة نسبيا عشان تقلل ال ripples فى موجة الجهد وبعد ما تحول لجهد DC بنبدء نحول جهد ال DC ده لجهد AC متغير الجهد ومتغير التردد وبالتالى نقدر نتحكم بيه فى سرعة المحرك الحثى
ومش بس نقدر نتحكم فى سرعة المحرك الحثى ده احنا كمان نقدر نتحكم فى الإتجاه من غير أى كونتاكتورات لا وكمان نقدر نشغلها عند سرعات بطيئة وبعزوم عالية وكمان بعض الانفرترات فيها خاصية ال وهى خاصية التحكم فى العزم لأن فى تطبيقات معينة بتحتاج عزم ثابتة مش سرعات ثابتة زى تطبيقات لف البكر وغيرها يعنى ببساطة أقدر أخلى المحرك الحثى يقول بابا وماما 😄
وده معنى كلمة درايف ببساطة السائق اللى بيقود المحرك بيتحكم فى سرعته أو عزمه زى ما أنت بتحب بالظبط
إن شاء الله المرة الجاية نتكلم عن أشهر طرق تشغيل ال ألا وهى ال V/F Control اللى بتمكنا من زيادة عزم البدء مع تقليل تيار البدء .................................................
الصور اللى موجوده تحت أول صورة Block diagram بيختصر معنى ال Electrical drive
الصورة التانية عن تركيب دائرة الباور الخاصة بال AC Electrical drive
أشوفكم على خير بإذن الله والسلام عليكم ورحمة الله وبركاته

Address

Giza, 6 October City
6 October City

Website

Alerts

Be the first to know and let us send you an email when Engarc for electrical solutions posts news and promotions. Your email address will not be used for any other purpose, and you can unsubscribe at any time.

Shortcuts

Share

Category