10/08/2025
أستاذي الفاضل، خليني أوضح نقطة مهمة: التحكم في حجم الجيجا في نظامنا هو نفس الفكرة اللي موجودة في أنظمتكم تحت مسمى تعديل الاستهلاك أو إضافة استهلاك سابق.
الفرق إننا بنتكلم بشفافية وبنسمي الأمور بمسمياتها، بينما أنتم بتستخدموا نفس الفكرة لكن بتنكروا وجودها.
إحنا ما عندناش مشكلة نعترف بالخاصية ونوضح إنها موجودة لتلبية طلبات مديري الشبكات، مش بغرض التلاعب أو سرقة العملاء، لكن الغريب إن في أنظمة تانية نفس الميزة موجودة ومع ذلك بيدّعوا إنها مش عندهم.
ومن الواضح إن نظام المهندس محمد إمام شاغل دماغكم جدًا لدرجة إن أي نقاش أو بوست بيكون عنه، وده أكبر دليل على نجاحه وتأثيره، وإلا ما كانش هيستاهل كل الاهتمام ده.
إحنا مؤمنين إن "الناجح دايمًا بيتهاجم"، والهجوم مش بيوقفنا، بالعكس بيكون دعاية مجانية بنشكر عليها، ونتيجتها زيادة في العملاء والحمد لله.
وبالمناسبة، لما توصل لمرحلة إنك تعمل حظر عشان المهندس محمد إمام ما يشوفش المنشور، أو إنك تحظر المهندس أحمد جمال كمان، فدي مش حاجة حلوة ولا بتعكس ثقة، بالعكس ده بيأكد إن الكلام اللي بنقوله وصل ووجع.
