10/04/2026
#ستارلينك |
في #الجزائر ! 🇩🇿
نعم الأمر ممكن والان الكرة في مرمى "إيلون ماسك "
وزارة البريد والاتصالات فتحت رسميا التنافس في مجال "الأنترنت الفضائي". سلطة الضبط أطلقت مناقصة باش تمد زوج رخص للشركات اللي توفر الأنترنت عبر الأقمار الصناعية (NGSO).
واش معناها هاد الهدرة كاملة وواش راح تفيدنا؟
✅ أنترنت في كل بلاصة: الناس اللي ساكنين في مناطق معزولة وصعيب يوصللهم كابل الألياف البصرية، راح تولي عندهم أنترنت سريعة ومستقرة بفضل الأقمار الصناعية.
✅ دفع الاقتصاد: هاد التقنية راح تعاون بزاف المشاريع الكبيرة في الفلاحة، المناجم، والنقل. وتخلي استخدام تقنيات "إنترنت الأشياء" (IoT) حاجة ساهلة وعملية باش يراقبو ويسيرو مشاريعهم عن بعد.
✅ منافسة وخيارات أكثر: دخول شركات جديدة راح يخلق منافسة في السوق، وهاد الشي ديما يخرج على المواطن من ناحية الأسعار وجودة الخدمة. (خاصة مناطق لي ماتوصلهاش الشبكة)
وزير القطاع سيدعلي زروقي وضح بلي هاد القرار ماراهوش باش يعوض الشبكة الأرضية اللي عندنا، بصح راح يكملها ويعاونها، باش كل جزائري وين ما كان يكون عندو حق متساوي في الأنترنت.
#قسنطينة
