AFLOU PHONE

AFLOU PHONE نحن مجرد صفحة تقنية لمراجعة الهاتف النقال بكل جوانبه لانملك محل

17/03/2026


تطبيق رائع 👇
🔴 لعندهم تلفون اندرويد مذابيكم تثبتو تطبيق
crookcather
هكا إذا تقدرت وتسرقلك الهاتف .. التطبيق راح يصورو اذا لمس لوحة الهاتف و راح يبعثلك للايمايل 👇
🔹الموقع بدقة وفتح google maps مباشرة 📌
🔹 صورة واضحة يمكن طبعها 🖨

وكاين تطبيق اخر مدفوع اذا لقيتو مجاني راح نحطهولكم
فيه خاصية تتبع هاتفك برقم الهاتف حتى واذا كان مغلق ...
( الصور من هاتفي للتوضيح) في اول تعليق رابط التطبيق

كيفاش يتم استرجاع تليفونك المسروق في الجزائر؟بزاف منا يروحله تليفونه يتسرق ولا يضيع وأول حاجة تطلبها منك الشرطة هي رقم ا...
14/03/2026

كيفاش يتم استرجاع تليفونك المسروق في الجزائر؟

بزاف منا يروحله تليفونه يتسرق ولا يضيع وأول حاجة تطلبها منك الشرطة هي رقم الـ IMEI. بصح بزاف ما يعرفوش علاه وكيفاش تمشي الأمور تقنياً تبع معاي ودك نشرحلك الامر بالتفصيل:

✅1. واش هو الـ IMEI وعلاه لازم عليك

🔸الـ IMEI هو هداك الرقم الطويل لي تلقاه فالباطة كي تشري تلفون ولا تقدر تتحصل عليه كي تشكل * #06 # وهو بمثابة بطاقة التعريف ولا البصمة تاع التليفون كل تليفون في العالم عنده رقم فريد وحده ما يتعاودش

🔸 علاه يطلبوه؟ خاطر السارق يقدر يبدل لا بيس ويقدر يفورماطي التلفون بصح الـ IMEI يبقى محفور داخل لاكارت مار ومستحيل يتبدل بسهولة بلا بيه الشرطة ما عندها ما تدير.

✅2. كيفاش يحكموا السارق؟
غير تمد الرقم للشرطة وتفتح محضر رسمي تبدأ الإجراءات:
🔸وكيل الجمهورية يبعث طلب رسمي لمتعاملي الهاتف موبيليس، جيزي، أوريدو

🔸هاد الشركات يحطوا رقم الـ IMEI تاعك تحت المراقبة
غير السارق يحط أي شريحة ويشعل التليفون الجهاز آلياً يبعث إشارة لبرج التغطية فيها رقم الـ IMEI + رقم الهاتف الجديد + معلومات الشريحة
🔸 النظام يطلع فلاش بلي هاد التليفون المسروق راهو خدام بالرقم الفلاني الشركة تمد معلومات مول الشريحة اسمه وعنوانه وكلش للشرطة

✅3. هل يقدروا يحددوا مكانه بدقة؟

نعم، عن طريق ابراج التغطية إذا كان الهاتف متصلاً ببرج واحد يمكنهم تحديد الحي أو المنطقة. أما إذا كان في منطقة حضرية فيها بزاف أبراج فيمكنهم القيام بعملية تسمى Triangulation وهي تحديد الموقع بدقة من خلال تقاطع إشارات 3 أبراج مما يقلص دائرة البحث إلى بضعة أمتار فقط

🟢 نصائح ليكم خاوتي:

🔸 الكرتونة هي الصح دايماً خلي كرتونة التليفون عندك ولا صور رقم الـ IMEI وخبيه في الإيميل ولا كانش بلاصة امنة باش نهار الحاجة تصيبه.

🔸بلّغ بسرعة قد ما تبلغ بكري، قد ما تزيد فرصتك باش تحكمه قبل ما يديكوبي التليفون ويبيعه بياس

🔸 تقدر من بعيد تمسح قاع تصاورك ومعلوماتك باش ما يستعملهمش السارق للابتزاز

🔸 واخيرا استعمل تطبيقات مثل كي يحاول شخص غريب يفتح تلفونك تصورو الكاميرا الامامية وتبعت صورتو للامايل تاعك

ربي يعوض على كل واحد راحله تلفونه وبارطاجيو المنشور باش الناس تعرف حقها وكيفاش تتحرك. وماتنساش ابوني الصفحة

"وداعاً للشاحن! 🔋 هل تتخيل هاتفاً ببطارية 10,000 مللي أمبير؟"عصر الـ 5000 mAh انتهى! 🚫 الصراع الآن بدأ من الـ 8000 وصولا...
16/02/2026

"وداعاً للشاحن! 🔋 هل تتخيل هاتفاً ببطارية 10,000 مللي أمبير؟

"عصر الـ 5000 mAh انتهى! 🚫 الصراع الآن بدأ من الـ 8000 وصولاً لـ 10000 مللي أمبير.

Honor و Realme و OnePlus في منافسة شرسة للسيطرة على لقب 'ملك الطاقة'. 👑

أي شركة برأيكم هي الأصدق في هذه الأرقام؟ وما هو هاتفك الحالي؟"

​ #تكنولوجيا #هواتف #بطارية

Adresse

Aflou

Site Web

Notifications

Soyez le premier à savoir et laissez-nous vous envoyer un courriel lorsque AFLOU PHONE publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager