06/02/2026
د منګل احمدزي د وژنې په اړه نوې ادعاوې
زاویه نیوز د خپلو سرچینو له قوله راپور ورکړی چې منګل احمدزی، چې د جمهوري نظام پر مهال د ملي امنیت کارکوونکی و، د غلا په پېښه کې نه، بلکې د معلومو وسله والو له لوري وژل شوی دی.
د راپور له مخې نوموړی د وسله والو له بیا واکمنېدو وروسته ایران ته تللی و او وروسته له هغه هېواد څخه ایستل شوی و. د کورنۍ یوه غړي ادعا کړې چې نوموړي تر وژل کېدو وړاندې څو ځله د تعقیب او څارنې خبره کړې وه.
سرچینه وايي، د هغه جسد په پغمان کې موندل شوی او د کورنۍ په وینا د پېښې بڼه له عادي جنایي جرم څخه ډېره پېچلې ښکاري.
تر اوسه د یادو ادعاوو په اړه د اړوندو چارواکو رسمي او خپلواکه وضاحت نه دی خپور شوی.
سرچینه: زاویه نیوز
#افغانستان #امنیت #کابل
