18/08/2026
Böyük arzular, yeni başlanğıclar və parlaq gələcəyə doğru atılan addımlar…
“Hacı Zeynalabdin” təqaüd proqramı ilə xaricdə təhsil almaq imkanı qazanan 20-dən çox gənclə bir araya gəldik.
Bu proqram istedadlı və böyük hədəfləri olan gənclərin dünyanın nüfuzlu universitetlərində tam ödənişsiz təhsil almasına dəstək olur.
Onlarla söhbətləşdik, hədəfləri ilə tanış olduq və yeni təhsil yolunun həyəcanını birlikdə bölüşdük.
İnanırıq ki, gənclərimizin dünyanın müxtəlif ölkələrində təhsil alması, yeni bilik və təcrübələr qazanması onların şəxsi inkişafı ilə yanaşı, ölkəmizin gələcəyi üçün də böyük dəyər daşıyır.
Biz onların potensialına inanır, bu yolda atdıqları hər addımı dəstəkləyirik.
Gəlin savadlı və istedadlı gənclərimizin dünyada daha böyük uğurlara imza atması üçün onlara birlikdə dəstək olaq. Çünki gələcəyə sərmayənin ən dəyərli forması gənclərə yaradılan imkanlardan başlayır.
