B2B Group

B2B Group B2B Group LLC company is one of the leading IT companies in the Azerbaijan. Company provides solutions in IT consultancy, system integration and IT-outsourcing.

Biz inanırıq ki, ölkəmizin gələcəyi bu gün öz biliyi, zəhməti və marağı ilə seçilən parlaq gənclərlə formalaşır. Murad Q...
24/08/2026

Biz inanırıq ki, ölkəmizin gələcəyi bu gün öz biliyi, zəhməti və marağı ilə seçilən parlaq gənclərlə formalaşır. Murad Qasımov, Əsma Bədəlova, Lalə Salehova və Əzim Hacıyev də məhz belə gənclərdəndir!

Biz də B2B Group olaraq onların seçdiyi bu yolda yanlarında olmaqdan, təhsil və inkişaflarına dəstək verməkdən məmnunuq. Çünki parlaq bir gəncə doğru zamanda verilən dəstək, gələcəkdə böyük uğurların başlanğıcına çevrilə bilər.

Bu gənclərin hekayələri paylaşmaqla ölkəmizin müxtəlif bölgələrində yetişən istedadlı gəncləri daha yaxından tanıtmaq və onların uğurlarını birlikdə qeyd etmək istəyirik.

🧑‍🎓 Murad müxtəlif illərdə riyaziyyat, STEM, bilik və informatika yarışlarında yüksək nəticələr göstərib, Respublika Fənn Müsabiqəsinin final mərhələsinə qədər irəliləyib.

👩‍🎓 Əsma riyaziyyat və informatika üzrə müxtəlif olimpiadalarda medal və final nəticələri əldə edib. Ötən il Azercell Cup proqramlaşdırma müsabiqəsində final iştirakçısı olan Əsma bu il Respublika Fənn Olimpiadasında informatika üzrə gümüş medal qazanıb.

👩‍🎓Lalə riyaziyyat və informatika istiqamətində müxtəlif müsabiqə və olimpiadalarda uğurlu nəticələr göstərib. Ötən il Azercell Cup-da bürünc medal qazanan Lalə bu il Respublika Fənn Olimpiadasının final mərhələsində iştirak edib.

🧑‍🎓 Əzim isə həm yerli, həm də beynəlxalq olimpiadalarda ardıcıl uğurları ilə fərqlənib. Ötən il Azercell Cup-da gümüş medal qazanan Əzim bu il Respublika Fənn Olimpiadasında informatika fənni üzrə qızıl medal əldə edib. Bu nəticə Naxçıvan təhsili üçün də xüsusilə əlamətdardır, çünki Əzim Naxçıvan üzrə RFO-da qızıl medal qazanan ilk şagird olub.

Biz bu dörd şagirdin timsalında ölkəmizin müxtəlif bölgələrində öz potensialını inkişaf etdirmək, öyrənmək və daha böyük hədəflərə çatmaq üçün çalışan bütün uşaqlara inanırıq və bu potensialın davamlı inkişafına şərait yaradan imkanları dəstəkləməkdəyik.

Süni intellekt alətləri gündəlik işi sürətləndirir. Amma şirkətlər üçün getdikcə daha vacib bir sual yaranır: Əməkdaşlar...
21/08/2026

Süni intellekt alətləri gündəlik işi sürətləndirir. Amma şirkətlər üçün getdikcə daha vacib bir sual yaranır: Əməkdaşların Aİ alətlərinə daxil etdiyi məlumatlara kim və necə nəzarət edir?

Müştəri məlumatlarının, maliyyə hesabatlarının, daxili sənədlərin və ya kodların nəzarətsiz şəkildə Aİ platformalarına daxil edilməsi həm məlumat sızması, həm də tənzimləyici orqanlar qarşısında uyğunluq (compliance) riskləri yaradır.
Mövcud təhlükəsizlik alətləri bu prosesin müəyyən hissələrini görə bilir. Lakin Aİ sessiyası daxilində hansı promptun göndərildiyini, hansı faylın yükləndiyini və Aİ agentinin hansı əməliyyatı həyata keçirdiyini tam kontekstdə izləmək hər zaman mümkün olmur.

Bu səbəbdən Enterprise Browser Aİ Təhlükəsizliyi üçün əsas nəzarət nöqtəsinə çevrilir.

Təhlükəsizlik siyasətləri birbaşa istifadəçinin işlədiyi mühitdə tətbiq olunduqda:
• Məlumatların mühafizəsi: Həssas məlumatların Aİ alətlərinə nəzarətsiz ötürülməsi tam şəkildə idarə olunur.
• Geniş görünürlük: Həm istifadəçilərin, həm də avtonom Aİ agentlərinin fəaliyyəti üzrə tam şəffaflıq əldə edilir.
• Real vaxtda reaksiya: Riskli əməliyyatlara və məlumat sızması cəhdlərinə anında müdaxilə etmək mümkün olur.

Bütün bunlar istifadəçinin gündəlik iş axınını ləngitmədən və əlavə mürəkkəblik yaratmadan həyata keçirilir.
Aİ artıq biznes proseslərinin ayrılmaz hissəsidir. Buna görə də Aİ alətlərinin təhlükəsizliyi və idarəolunması (AI Security & AI Governance) korporativ təhlükəsizlik arxitekturasında ayrıca nəzərə alınmalıdır.

B2B Group olaraq, Enterprise Browser əsaslı Aİ təhlükəsizlik yanaşmalarının mövcud infrastruktura necə inteqrasiya oluna biləcəyini müştərilərimizlə birlikdə qiymətləndiririk.

Ətraflı məlumat üçün komandamızla əlaqə saxlaya bilərsiniz.

Şirkətinizdə kimin hansı sistemə çıxışı olduğunu dəqiq bilirsiniz? 🔐Şirkətinizdə təhlükəsizlik sistemlərinə kifayət qədə...
10/08/2026

Şirkətinizdə kimin hansı sistemə çıxışı olduğunu dəqiq bilirsiniz? 🔐

Şirkətinizdə təhlükəsizlik sistemlərinə kifayət qədər ciddi investisiya edə bilərsiniz. Amma unudulmuş bir giriş hüququ bütün bu müdafiəni risk altına sala bilər.

Yeni əməkdaş işə başlayır - ona bir neçə sistemdə hesab açılır. Vəzifəsi dəyişir - yeni səlahiyyətlər verilir, əvvəlki girişlərin bir hissəsi isə aktiv qalır. İşdən ayrılır - bəzi hesablar dərhal bağlanır, digərləri isə diqqətdən yayınır.

Nəticədə zamanla şirkətdə artıq səlahiyyətlər, sahibsiz hesablar və idarə olunmayan girişlər yaranır. Təhlükəsizlik insidenti baş verməsə belə, bu vəziyyət audit və uyğunluq proseslərində ciddi problemə çevrilə bilər.

🛡️ IAM - Identity and Access Management - bu prosesləri mərkəzləşdirilmiş şəkildə idarə etməyə imkan verir.

İstifadəçinin işə qəbulundan işdən ayrılmasına qədər hesabların yaradılması və bağlanması avtomatlaşdırılır. Giriş hüquqları vəzifə, şöbə və əvvəlcədən müəyyən edilmiş siyasətlər əsasında verilir.

MFA və adaptiv giriş nəzarəti şübhəli hallarda əlavə yoxlama tətbiq edir. SSO isə əməkdaşların hər sistem üçün ayrıca parol yadda saxlaması ehtiyacını azaldır.
Texniki komanda üçün bu, daha az manual əməliyyat, daha aydın nəzarət və daha sürətli araşdırma deməkdir.

📊 Rəhbərlik isə şirkətin kritik məlumat və sistemlərinə yalnız düzgün şəxslərin, düzgün vaxtda və zəruri səviyyədə çıxış əldə etdiyinə əmin ola bilir.

Bir çox müəssisədə girişlərin idarə olunması hələ də müxtəlif sistemlər, Excel siyahıları və e-poçt təsdiqləri arasında bölünüb. Şirkət böyüdükcə bu model həm riskli, həm də idarəolunmaz hala gəlir.

B2B Group olaraq mövcud infrastrukturun və biznes proseslərinin qiymətləndirilməsindən başlayaraq IAM arxitekturasının hazırlanması, inteqrasiyası, tətbiqi və sonrakı texniki dəstək mərhələlərində müştərilərimizə kömək edirik.

Bizimlə əlaqə saxlayın, sizə demo təşkil edək. 🤝

Gələcəyin bacarıqlarını birlikdə inkişaf etdiririk 🚀B2B Group olaraq dəstəklədiyimiz “4Sİ Akademiyası – Milli Proqram”ın...
29/07/2026

Gələcəyin bacarıqlarını birlikdə inkişaf etdiririk 🚀

B2B Group olaraq dəstəklədiyimiz “4Sİ Akademiyası – Milli Proqram”ın ilk ayı uğurla tamamlanıb.

📊 İlk ay ərzində iştirakçılar “Coursera” platformasında 24 625 təlimə müraciət edib, 10 094 təlimi isə uğurla tamamlayıblar.
Proqram çərçivəsində süni intellekt və maşın öyrənməsi, liderlik və idarəetmə, data analitikası, biznesin əsasları, dil və kommunikasiya kimi müasir əmək bazarı üçün vacib istiqamətlər üzrə geniş təlim imkanları təqdim olunur.
B2B Group olaraq bu proqramın korporativ tərəfdaşlarından biri olmaqdan qürur duyuruq. İnanırıq ki, rəqəmsal inkişafın əsasını yalnız texnologiya deyil, həmin texnologiyadan düzgün istifadə edə bilən bilikli və bacarıqlı insan kapitalı təşkil edir.

💡 Korporativ sosial məsuliyyət yanaşmamız çərçivəsində ölkədə rəqəmsal biliklərin, peşəkar bacarıqların və gələcəyin kompetensiyalarının inkişafını dəstəkləməyə davam edirik.

🔗 Proqrama qoşulmaq üçün:
form.4sim.gov.az

💭 “Biz onsuz da işçilərə kiber-maarifləndirmə təlimi keçirik, əlavə platformaya nə gərək var?”Bu, görüşlərdə ən çox eşit...
25/07/2026

💭 “Biz onsuz da işçilərə kiber-maarifləndirmə təlimi keçirik, əlavə platformaya nə gərək var?”

Bu, görüşlərdə ən çox eşitdiyimiz suallardan biridir. Bu məsələyə həm təhlükəsizlik, həm də biznes səmərəliliyi prizmasından baxanda cavab daha aydın görünür.

1. Bilik hər zaman vərdişə çevrilmir
İldə bir-iki dəfə keçirilən təlimlər, oxunan sənədlər və ya “bax-keç” tipli slaydlar real kiberhücum anında əməkdaşın davranışını dəyişmək üçün kifayət etməyə bilər.
Çünki kiberhücumların 90%-ində insan amili həlledici rol oynayır.

2. Gizli zaman itkisi yaranır
İT və təhlükəsizlik komandaları sıfırdan təlim materialı hazırlamaq, fişinq testləri planlamaq, nəticələri toplamaq və hesabatlaşdırmaq üçün günlərlə vaxt sərf edir.
Halbuki bu proses daha sistemli və avtomatlaşdırılmış şəkildə idarə oluna bilər.

📍 Həll yolu prosesi tam avtomatlaşdırmaqdır.
B2B Group portfelində yer alan kibertəhlükəsizlik maarifləndirilməsi və davranış analitikası platforması daxili komandanızın vaxtına 90%-ə qədər qənaət etməyə kömək edir.

📌 Platformanın əsas üstünlükləri:
✅ Hazır kontent kitabxanası
Sıfırdan material hazırlamağa ehtiyac qalmır. Qlobal trendlərə uyğun yüzlərlə interaktiv kontent artıq sistemdə mövcuddur.
✅ Avtomatlaşdırılmış simulyasiyalar
Platforma real hücum ssenarilərinə bənzəyən fişinq simulyasiyalarını əməkdaşlara avtomatik göndərir və riskli davranışları müəyyənləşdirir.
✅ Hədəf mikrotəlimlər
Əgər əməkdaş fişinq simulyasiyasında səhvə yol verirsə, sistem ona dərhal 2–3 dəqiqəlik uyğun video və ya test təqdim edir. Beləliklə, bütün komandanın vaxtını eyni anda almağa ehtiyac qalmır.

🎯 B2B Group olaraq bu prosesdə yanınızdayıq
Biz sizə platforma təqdim etməklə yanaşı sistemlərinizə inteqrasiyadan şirkətinizə özəl fişinq ssenarilərinin qurulmasına, lokal texniki dəstəkdən prosesin davamlı idarə olunmasına qədər bütün mərhələlərdə dəstək göstəririk.
Məqsədimiz İT komandanızın yükünü azaltmaq və kibertəhlükəsizlik maarifləndirməsini daha ölçüləbilən, davamlı və effektiv prosesə çevirməkdir.
Komandanızın vaxtına qənaət etmək və platformanın hazır ssenarilərini görmək üçün bizə yazın. Qısa bir demo təşkil edək 🤝

Cəmiyyətin düzgün və operativ məlumatlandırılmasında, ictimai fikrin formalaşmasında və maarifləndirmədə mühüm rol oynay...
22/07/2026

Cəmiyyətin düzgün və operativ məlumatlandırılmasında, ictimai fikrin formalaşmasında və maarifləndirmədə mühüm rol oynayan bütün media nümayəndələrini Milli Mətbuat Günü münasibətilə təbrik edirik!

Peşə fəaliyyətinizdə dəqiqlik, obyektivlik və yeni uğurlar arzulayırıq!

B2B Group olaraq artıq Fortinet-in Advanced Partner tərəfdaşıyıq 🤝Bu status kibertəhlükəsizlik, şəbəkə təhlükəsizliyi və...
06/07/2026

B2B Group olaraq artıq Fortinet-in Advanced Partner tərəfdaşıyıq 🤝

Bu status kibertəhlükəsizlik, şəbəkə təhlükəsizliyi və IT infrastruktur həlləri sahəsində tərəfdaşlarımıza daha güclü, etibarlı və peşəkar xidmət göstərmək öhdəliyimizin göstəricisidir.

Bu uğurda əməyi olan komandamıza və bizə etibar edən tərəfdaşlarımıza təşəkkür edirik. Birlikdə daha təhlükəsiz rəqəmsal mühit qurmağa davam edirik. 🤝

Bu əlamətdar gün münasibətilə ölkəmizin suverenliyi, təhlükəsizliyi və ərazi bütövlüyü uğrunda xidmət edən bütün hərbçil...
26/06/2026

Bu əlamətdar gün münasibətilə ölkəmizin suverenliyi, təhlükəsizliyi və ərazi bütövlüyü uğrunda xidmət edən bütün hərbçilərimizi təbrik edirik.

Vətənimizin müdafiəsində göstərilən fədakarlıq, peşəkarlıq və qətiyyət hər birimiz üçün qürur mənbəyidir.

Silahlı Qüvvələr Günümüz mübarək!

Bizim üçün inkişaf sadəcə rəqəmlərlə ölçülmür. Bu, düzgün tərəfdaşlıqlar, etibarlı əməkdaşlıq və hər layihəyə məsuliyyət...
20/06/2026

Bizim üçün inkişaf sadəcə rəqəmlərlə ölçülmür. Bu, düzgün tərəfdaşlıqlar, etibarlı əməkdaşlıq və hər layihəyə məsuliyyətlə yanaşmaq deməkdir.

B2B Group olaraq BAKOTECH Partner Summit 2026 çərçivəsində Dynamic Growth Award mükafatına layiq görülmək bu baxımdan bizim üçün çox dəyərlidir.

Bu mükafat həm indiyə qədər gördüyümüz işlərin nəticəsi, həm də qarşıdakı hədəflərimiz üçün əlavə motivasiyadır.

Göstərdiyiniz dəyər və diqqət üçün təşəkkür edirik 🤝

Bu gün Azərbaycan dövlətçiliyinin qorunması, sabitliyin bərpası və ölkəmizin gələcək inkişaf yolunun müəyyənləşməsi baxı...
15/06/2026

Bu gün Azərbaycan dövlətçiliyinin qorunması, sabitliyin bərpası və ölkəmizin gələcək inkişaf yolunun müəyyənləşməsi baxımından mühüm tarixi gündür.

Bu əlamətdar gün münasibətilə hər kəsə sülh, rifah və uğurlar arzulayırıq.

Milli Qurtuluş Günümüz mübarək!

Address

Luxen Plaza, 14-cü Mərtəbə
Baku
AZ1122

Website

Alerts

Be the first to know and let us send you an email when B2B Group posts news and promotions. Your email address will not be used for any other purpose, and you can unsubscribe at any time.

Shortcuts

Share

Category