Fizika İnstitutu

Fizika İnstitutu Elm və Təhsil Nazirliyi Fizika İnstitutu Publik Hüquqi Şəxs Fizika İnstitutu - AMEA-nın strukturunda olan elmi müəssisə.

Fizika İnstitutunda hazırda 460 əməkdaş çalışır. İnstitutun baş direktoru akademik Arif Həşimovdur. Təşkilatın tarixi

Fizika-riyaziyyat və texnika elmləri Bölməsi 1945-ci il martın 31-də Elmlər Akademiyasının ilk Ümumi yığıncağının qərarı ilə yaradılıb. O zaman bölmə «Fizika-texnika elmləri və neft bölməsi» adlanırdı və bölmənin tərkibinə Fizika və Riyaziyyat İnstitutu, Neft İnstitutu və Energeti

ka İnstitutu daxil idi. Bölmənin ilk sədri akademik İ.Q.Yesman olub. 1950-1954-ci illərdə bölməyə akad.Y.Məmmədəliyev sədrlik edib. 1954-1957-ci illərdə isə sədri əvəz edən akademik-katib vəzifəsini akad.M.Nağıyev icra edib. 1957-ci ildə aparılan struktur dəyişiklikləri nəticəsində elmi bölmələr ləğv olunub və elmi müəssisələr müvafiq vitse-prezidentlərə tabe ediliblər. Fizika-texnika elmləri üzrə vitse-prezident akad.Z.Xəlilov seçilib. 1959-cu ildə aparılan yeni struktur dəyişiklikləri nəticəsində Fizika-riyaziyyat və Texnika elmləri bölməsi (FRTEB) təşkil olunub, Fizika İnstitutu, Riyaziyyat və Mexanika İnstitutu, Energetika İnstitutu, Astrofizika Sektoru bölmənin tərkibinə daxil edilib. Bölmənin akademik-katibi akademik Zahid Xəlilov seçilib. 2001-2015-ci illərdə Bölmənin akademik-katibi akademik A.Hacıyev olub. Hazırda Bölmənin akademik katibi akademik Arif Həşimovdur.
1959-cu ildə Bölmənin Fizika və Riyaziyyat İnstitutu iki müstəqil instituta bölünür: Riyaziyyat və Mexanika İnstitutu və Fizika İnstitutu. 2002-ci ildə Azərbaycan Respublikası Nazirlər Kabinetin qərarı ilə 1992-ci ildə yaradılmış Fotoelektronika İnstitutu və H.M.Abdullayev adına Fizika İnstitutunun bazasında Fizika İnstitutu yaradılır. Akademiyanın həqiqi üzvlərindən Həbibulla Əmirxanov, Z.Xəlilov, Həsən Abdullayev, Firudin Haşımzadə, Arif Həşimov və Çingiz Qacar , Nazim Məmmədov, Arif Həşimov müxtəlif illərdə Fizika İnstitutunun direktoru vəzifəsində çalışıblar. Hazırda İnstituta texnika elmlər doktoru, akademik Arif Həşimov rəhbərlik edir. MÜDRİYYƏT:
-Baş direktor: Akademik Arif Həşimov
-İcraçı direktor: Professor İbrahimov Hüseyn
-Elmi katib: F.R.E.N Süleymanov Zaur

Fizika İnstitutunda fəaliyyət göstərən laboratoriya və şöbələr:

Laboratoriyalar:

I
"Yarımkeçiricilərdə və yarımkeçirici nanostrukturlarda köçürmə hadisələri" laboratoriyası
"Yarımkeçiricilərdə nanostrukturlar" laboratoriyası
"Bərk cisimlərdə rezonans hadisələri" laboratoriyası
"Almazabənzər və çoxkomponentli birləşmələrin optik və transport xassələri" laboratoriyası
"Vakum fotoelektronikası" laboratoriyası
"Molekulyar spektroskopiya" laboratoriyası
"Kosmik şüa mənbələri fizikası" laboratoriyası
"Yüksək gərginliklər fizikası və texnikası" laboratoriyası
"Günəş və hidrogen elementləri" laboratoriyası
"Kriogen texnologiyası" şöbəsi

II. "Quruluş və quruluş çevrilmələri" laboratoriyası
"Bionanostrukturlar fizikası" laboratoriyası
"Bərk cisim nəzəriyyəsi" laboratoriyası
"Nanokristallar fizikası" laboratoriyası
"Qeyri-kristallik yarımkeçiricilərin fizikası" laboratoriyası
"Optoelektronika" laboratoriyası
"Nazik təbəqəli strukturlar" laboratoriyası
"İnfraqırmızı fotoelektronika və plazma hadisələri" laboratoriyası
"Yarımkeçirici strukturların fotoelektrik və optik diaqnostikası"laboratoriyası
"Spektroskopik ellipsometriya" laboratoriyası
"Nüvə tədqiqatları" laboratoriyası
"Yüksək enerjilər fizikası" laboratoriyası
"Dinamik sistemlərdə xaos" laboratoriyası
"Matrialşünaslıq" laboratoriyası
"Kondensə olunmuş hallar və kvant fazalar" laboratoriyası
"Tətbiqi fizika" laboratoriyası
"Kristalloqrafiya" laboratoriyası

III. "Darzolaqlı yarımkeçiricilər və yüksək temperaturlu ifratkeçiricilər" laboratoriyası
"Yarımkeçiricilərdə tarazlıqda olmayan elektron proseslərin fizikası" laboratoriyası
"Bərk cisim elektronikası" laboratoriyası
"Epitaksial təbəqələr və strukturlar" laboratoriyası
"Kristallofizika" laboratoriyası
"Akustooptika" laboratoriyası
"Nano və - aktiv kompozitlər fizikası" laboratoriyası
"Qeyri-standart nəzarət və diaqnostika" laboratoriyası
"Heteroquruluşlar" laboratoriyası

IV. "İnformasiyanın qəbulu, saxlanması və işlənməsi" şöbəsi
"Yeni texnologiyaların tətbiqi" şöbəsi
"Elmi texniki informasiya və patent tədqiqatları" şöbəsi
"Ensiklopediya və terminologiya" şöbəsi

"Təhsil" şöbəsi
Rəhbər: Fizika-riyaziyyat elmləri doktoru Abasət İsa oğlu İsayev
Xidməti tel: (+994 12 5106907)

Hörmətli gənc tədqiqatçılar!Naxçıvan Dövlət Universitetində 15–16 oktyabr 2026-cı il tarixlərində keçiriləcək Doktorantl...
05/08/2026

Hörmətli gənc tədqiqatçılar!
Naxçıvan Dövlət Universitetində 15–16 oktyabr 2026-cı il tarixlərində keçiriləcək Doktorantların və Gənc Tədqiqatçıların Respublika Elmi Konfransına (NASCO 29) sənəd qəbulu 1 oktyabr 2026-cı il tarixinədək davam edir.

Tədbirlə bağlı ətraflı məlumat, tezis tərtibatı qaydaları və qeydiyyat üçün:
https://konfrans.ndu.edu.az

Məqalə və ya tezislərinizi aşağıdakı link üzərindən göndərə bilərsiniz:
https://nasco.ndu.edu.az/az/speaker-reg/

FİZİKA İNSTİTUTU İLƏ “NORM” SEMENT ZAVODU ARASINDA ELMİ-İSTEHSALAT ƏMƏKDAŞLIĞI MÜZAKİRƏ OLUNUB.3 avqust 2026-cı il tarix...
04/08/2026

FİZİKA İNSTİTUTU İLƏ “NORM” SEMENT ZAVODU ARASINDA ELMİ-İSTEHSALAT ƏMƏKDAŞLIĞI MÜZAKİRƏ OLUNUB.
3 avqust 2026-cı il tarixində Fizika İnstitutu PHŞ-in əməkdaşları ilə “Norm” Sement Zavodunun nümayəndələri arasında elmi-texnoloji əməkdaşlıq imkanlarına həsr olunmuş görüş keçirilib.
Radiasiya kimyası və radiokimya laboratoriyasının təşəbbüsü və təşkilatçılığı ilə keçirilən görüşdə elmi nəticələrin istehsalata inteqrasiyası və kommersiyalaşdırılması, sement istehsalı prosesində qarşıya çıxan texnoloji və ekoloji problemlərin elmi yanaşmalar əsasında həlli, həmçinin innovativ material və texnologiyaların tətbiqi perspektivləri müzakirə olunub.
Müzakirələr zamanı istehsalat ehtiyaclarına uyğun elmi-tədqiqat istiqamətlərinin müəyyənləşdirilməsi, laboratoriya imkanlarından istifadə, sənaye tullantılarının təkrar emalı və faydalı məhsullara çevrilməsi, məhsulların keyfiyyət göstəricilərinin yaxşılaşdırılması, eləcə də birgə tədqiqat və innovasiya layihələrinin həyata keçirilməsi imkanları ətrafında fikir mübadiləsi aparılıb.
Görüşdə Fizika İnstitutu tərəfindən Radiasiya kimyası və radiokimya laboratoriyasının rəhbəri, kimya üzrə fəlsəfə doktoru Rəna Xankişiyeva, İnnovasiya və Texnologiyaların Transferi Ofisinin rəhbəri Namiq Heydərov, böyük elmi işçi, kimya üzrə fəlsəfə doktoru Hacı Vahid Axundzadə və aparıcı mühəndis, fizika üzrə fəlsəfə doktoru Vüqar Xudaverdiyev iştirak ediblər.
“Norm” Sement Zavodunu Keyfiyyətə Zəmanət və Keyfiyyətə Nəzarət üzrə müdiri, kimya üzrə fəlsəfə doktoru Xəyyam Vəliyev və şöbənin aparıcı mühəndisi Rüfət Oğuztürk təmsil ediblər.
Görüşün sonunda tərəflər elm ilə istehsalat arasında səmərəli əlaqələrin gücləndirilməsinin vacibliyini vurğulayaraq, qarşılıqlı maraq doğuran istiqamətlər üzrə konkret elmi-texniki təkliflərin hazırlanması və əməkdaşlığın davam etdirilməsi barədə razılığa gəliblər.

MİLLİ AVİASİYA AKADEMİYASININ TƏLƏBƏLƏRİ FİZİKA İNSTİTUTUNDA İSTEHSALAT TƏCRÜBƏSİ KEÇİB.Milli Aviasiya Akademiyasının “F...
30/07/2026

MİLLİ AVİASİYA AKADEMİYASININ TƏLƏBƏLƏRİ FİZİKA İNSTİTUTUNDA İSTEHSALAT TƏCRÜBƏSİ KEÇİB.
Milli Aviasiya Akademiyasının “Fizika-texnologiya” fakültəsinin “Mühəndis fizikası” ixtisası üzrə təhsil alan III kurs tələbələri 06 iyul 2026-cı il tarixindən etibarən Azərbaycan Respublikası Elm və Təhsil Nazirliyi Fizika İnstitutu PHŞ-də istehsalat təcrübəsi keçiblər. Tələbələrin istehsalat təcrübəsinə rəhbərlik Fizika İnstitutunun “Funksional materialların fizikası” laboratoriyasının müdiri, fizika üzrə fəlsəfə doktoru Elşən Əsədov tərəfindən həyata keçirilib.
Təcrübənin əsas məqsədi tələbələrin ali məktəbdə əldə etdikləri nəzəri biliklərin elmi-tədqiqat mühitində möhkəmləndirilməsi, onların müasir eksperimental üsullarla tanış edilməsi və ilkin praktik bacarıqlarının formalaşdırılması olub. Təcrübə müddətində tələbələr müxtəlif funksional materialların və birləşmələrin alınma metodikaları, nümunələrin sintez mərhələləri, eləcə də onların quruluş və fiziki xassələrinin tədqiqində istifadə edilən müasir üsul və cihazlarla yaxından tanış olublar.
Tələbələr Fizika İnstitutunun “Funksional materialların fizikası”, “Elektrotexnika və yüksək gərginliklər fizikası”, “Amorf materialların fizikası”, “Aktiv nanokompozitlər”, “Bərk cisim elektronikası və rezonans hadisələri” laboratoriyalarında, həmçinin institutun digər elmi struktur bölmələrində aparılan tədqiqat işləri barədə ətraflı məlumat əldə ediblər. Ayrı-ayrı laboratoriyalarda həyata keçirilən eksperimental prosesləri müşahidə etmiş, nümunələrin hazırlanması, ölçmələrin aparılması və alınmış nəticələrin təhlili mərhələlərində fəal iştirak ediblər. İstehsalat təcrübəsi tələbələrin elmi dünyagörüşünün genişlənməsinə, laboratoriya avadanlıqları ilə işləmə prinsiplərini mənimsəmələrinə, tədqiqat prosesinin ardıcıllığını daha dərindən anlamalarına və gələcək peşə fəaliyyətləri üçün mühüm praktiki təcrübə qazanmalarına şərait yaratmışdır. Tələbələr təcrübə müddətində məsuliyyətli və intizamlı davranmış, elmi-tədqiqat işlərinə maraq göstərmiş və verilən tapşırıqları həvəslə yerinə yetirmişlər.

EATDA və Clarivate şirkəti Serbiyada elmmetriya üzrə sertifikasiya proqramı təşkil edib.
29/07/2026

EATDA və Clarivate şirkəti Serbiyada elmmetriya üzrə sertifikasiya proqramı təşkil edib.

FİZİKA İNSTİTUTUNDA İNNOVASİYA VƏ TEXNOLOGİYALARIN TRANSFERİ OFİSİ İLƏ LABORATORİYA ƏMƏKDAŞLARI ARASINDA SİLSİLƏ GÖRÜŞLƏ...
24/07/2026

FİZİKA İNSTİTUTUNDA İNNOVASİYA VƏ TEXNOLOGİYALARIN TRANSFERİ OFİSİ İLƏ LABORATORİYA ƏMƏKDAŞLARI ARASINDA SİLSİLƏ GÖRÜŞLƏR DAVAM EDİR.
24 iyul 2026-cı il tarixində Elm və Təhsil Nazirliyİ Fizika İnstitutu PHŞ-də İnnovasiya və Texnologiyaların Transfer Ofisinin (TTO) əməkdaşları ilə “Akustooptika” laboratoriyasının əməkdaşları arasında növbəti görüş keçirilib.
İclası giriş sözü ilə laboratoriyanın professor Oktay Tağıyev açaraq laboratoriyanın əsas fəaliyyət istiqamətləri barədə iştirakçılara ətraflı məlumat verib. O, nadir torpaq elementlərinin lüminessensiya xassələrinin öyrənilməsi, bu materiallarda baş verən fiziki proseslərin mexanizmlərinin araşdırılması, Stoks və anti-Stoks lüminessensiya hadisələrinin tədqiqi, həmçinin aparılan elmi-tədqiqat işlərinin sənayedə tətbiq perspektivləri barədə məlumat təqdim edib.
Görüşün sonunda professor Oktay Tağıyev laboratoriyanın maddi-texniki bazası və rəhbərliyi ilə həyata keçirilən layihələr barədə məlumat verərək mövcud imkanları TTO əməkdaşlarına nümayiş etdirib.
Görüş zamanı laboratoriyanın əməkdaşları f.ü.f.d. Samir Əzizov və f.ü.f.d. Sevinc Əzimova əldə etdikləri patentlər və həyata keçirdikləri layihələr barədə geniş təqdimatla çıxış ediblər. Daha sonra laboratoriyanın əməkdaşı Gülnaz Daşdəmirova biometrik və bioloji materialların layihələndirilməsi, sintezi və yeni tətbiq sahələri haqqında məlumat verib.
TTO-nun rəhbəri Namiq Heydərov isə öz növbəsində ofisin fəaliyyət istiqamətləri, qarşıya qoyulan məqsədlər və gələcəkdə həyata keçirilməsi nəzərdə tutulan işlər barədə iştirakçıları ətraflı məlumatlandırıb.
Görüş qarşılıqlı müzakirə və fikir mübadiləsi şəraitində davam edib, iştirakçıları maraqlandıran suallar cavablandırılıb. Görüş çərçivəsində elmi tədqiqatların praktiki tətbiqi, innovativ layihələrin inkişaf etdirilməsi və elmi nəticələrin sənayeyə transferi imkanları ətrafında fikir mübadiləsi aparılıb.

FİZİKA İNSTİTUTUNDA İNNOVASİYA VƏ TEXNOLOGİYALARIN TRANSFERİ OFİSİ İLƏ LABORATORİYA ƏMƏKDAŞLARI ARASINDA SİLSİLƏ GÖRÜŞLƏ...
22/07/2026

FİZİKA İNSTİTUTUNDA İNNOVASİYA VƏ TEXNOLOGİYALARIN TRANSFERİ OFİSİ İLƏ LABORATORİYA ƏMƏKDAŞLARI ARASINDA SİLSİLƏ GÖRÜŞLƏR DAVAM EDİR.
22 iyul 2026-cı il tarixində Elm və Təhsil Nazirliyi Fizika İnstitutu PHŞ-də İnnovasiya və Texnologiyaların Transfer Ofisinin (TTO) əməkdaşları ilə “İfratkeçiricilər fizikası” laboratoriyasının əməkdaşları arasında növbəti görüş keçirilib.
İclası giriş sözü ilə açan TTO-nun rəhbəri Namiq Heydərov iştirakçılara TTO-nun fəaliyyət istiqamətləri və əsas məqsədləri barədə ətraflı məlumat verib.
Daha sonra laboratoriyanın müdiri, f.ü.f.d. Səidə Əsədullayeva görüş iştirakçılarını salamlayaraq laboratoriyanın əsas fəaliyyət istiqamətləri və əməkdaşların müxtəlif elmi-tədqiqat sahələri üzrə həyata keçirdikləri işlər barədə məlumat verib.
Laboratoriyanın keçmiş əməkdaşı Vaqif Əliyev ifratkeçiricilər, onların tətbiq sahələri və bu istiqamətdə həyata keçirdiyi elmi-tədqiqat işləri barədə iştirakçılara ətraflı məlumat təqdim edib.
Daha sonra laboratoriyanın əməkdaşı, f.ü.f.d. Qurban Əhmədov laboratoriyada əldə olunmuş patentlər və onların tətbiq perspektivləri haqqında məlumat verib.
Ardınca laboratoriyanın əməkdaşı Arzu Sadıqova polimer–nanogil kompozitləri və onların müxtəlif tətbiq istiqamətləri barədə geniş təqdimatla çıxış edib.
Görüş qarşılıqlı müzakirə və fikir mübadiləsi şəraitində davam edib, iştirakçıları maraqlandıran məsələlər ətrafında geniş müzakirələr aparılıb.
Tədbirin sonunda laboratoriyanın müdiri Səidə Əsədullayeva TTO əməkdaşlarına təşəkkürünü bildirərək ofisin fəaliyyətində uğurlar arzulayıb.

FİZİKA İNSTİTUTUNDA İNNOVASİYA VƏ TEXNOLOGİYALARIN TRANSFERİ OFİSİ İLƏ LABORATORİYA ƏMƏKDAŞLARI ARASINDA SİLSİLƏ GÖRÜŞLƏ...
17/07/2026

FİZİKA İNSTİTUTUNDA İNNOVASİYA VƏ TEXNOLOGİYALARIN TRANSFERİ OFİSİ İLƏ LABORATORİYA ƏMƏKDAŞLARI ARASINDA SİLSİLƏ GÖRÜŞLƏR DAVAM EDİR.
17 iyul 2026-cı il tarixində Elm və Təhsil Nazirliyi Fizika İnstitutu PHŞ-də İnnovasiya və Texnologiyaların Transfer Ofisinin (TTO) əməkdaşları ilə “Elektrotexnika və yüksək gərginliklər fizikası” laboratoriyasının əməkdaşları arasında növbəti görüş keçirilib.
İclası giriş sözü ilə açan TTO-nun rəhbəri Namiq Heydərov iştirakçılara TTO-nun fəaliyyət istiqamətləri, əsas məqsədləri və elmi nəticələrin innovativ məhsullara çevrilməsi istiqamətində həyata keçirilən işlər barədə ətraflı məlumat verib.
Daha sonra laboratoriyanın müdiri, fizika elmləri doktoru Təranə Nurubəyli iştirakçıları salamlayaraq laboratoriyanın fəaliyyət istiqamətləri haqqında geniş təqdimatla çıxış edib. O, laboratoriyada hər bir elmi əməkdaşın öz ixtisaslaşmış tədqiqat sahəsi üzrə fəaliyyət göstərdiyini vurğulayıb. Təqdimat zamanı kütlə spektrometri vasitəsilə element analizinin aparılması, transformator yağlarının analizi, eləcə də yüksək keyfiyyətli pambıq sortlarının yetişdirilməsi istiqamətində həyata keçirilən elmi tədqiqatlar iştirakçıların diqqətinə çatdırılıb.
Ardınca laboratoriyanın əməkdaşları f.ü.f.d., dosent Ülkər Səmədova və f.ü.f.d. İlhamə Zəkiyeva ətraf mühitin qorunması, enerjidən səmərəli istifadə, yeni funksional materialların sintezi və onların xassələrinin tədqiqi istiqamətində həyata keçirdikləri elmi-tədqiqat işləri barədə geniş təqdimatla çıxış ediblər.
Daha sonra laboratoriyanın əməkdaşı, f.ü.f.d., dosent Şəfəq Əhədzadə müxtəlif keramika fazalarına malik yarımkeçirici polimer əsaslı nazik təbəqəli kompozit varistorların hazırlanması, tədqiqi və tətbiq sahələri barədə ətraflı məlumat verib.
Görüş qarşılıqlı diskussiya və fikir mübadiləsi şəraitində davam edib, iştirakçıları maraqlandıran suallar cavablandırılıb.
Tədbirin sonunda TTO-nun rəhbəri Namiq Heydərov və laboratoriyanın müdiri Təranə Nurubəyli iştirakçılara təşəkkürlərini bildirərək bu cür görüşlərin elmi əməkdaşlığın genişlənməsinə, innovativ ideyaların təşviqinə və elmi nəticələrin sənayeyə transferi istiqamətində yeni imkanların yaradılmasına mühüm töhfə verdiyini vurğulayıblar

FİZİKA İNSTİTUTUNDA TÜRKİYƏNİN BURSA ULUDAĞ UNİVERSİTETİ İLƏ ELMİ ƏMƏKDAŞLIQ İMKANLARI MÜZAKİRƏ OLUNUB.9 iyul 2026-cı il...
15/07/2026

FİZİKA İNSTİTUTUNDA TÜRKİYƏNİN BURSA ULUDAĞ UNİVERSİTETİ İLƏ ELMİ ƏMƏKDAŞLIQ İMKANLARI MÜZAKİRƏ OLUNUB.
9 iyul 2026-cı il tarixində Elm və Təhsil Nazirliyi Fizika İnstitutu PHŞ-də Türkiyənin Bursa Uludağ Universitetinin “Fen-Edebiyat” fakültəsinin Fizika bölümünün Nüvə fizikası kafedrasının professoru Ayşegül Kahraman və Bərk cisim fizikası kafedrasının dosenti Mürşidə Hacıismayıloğlu ilə elmi əməkdaşlıq imkanlarına dair görüş keçirilib.
Görüşdə professor Ayşegül Kahraman rəhbərlik etdiyi elmi tədqiqat istiqamətləri- mikroelektron qurğuların modelləşdirilməsi, istehsalı və xarakterizasiyası, FET (sahə effektli tranzistor) əsaslı radiasiya sensorları, həmçinin silisium (Si) və qallium nitrid (GaN) əsaslı fotodiodlar sahəsində həyata keçirdiyi elmi tədqiqatlar barədə məlumat verib. Dosent Mürşidə Hacıismayıloğlu isə enerji saxlama qurğuları, spintronika və optoelektron materiallar istiqamətində aparılan tədqiqatlar, eləcə də funksional materialların hazırlanması və tətbiqi sahəsində əldə olunan elmi nəticələri təqdim edib.
Görüş zamanı funksional materiallar fizikası sahəsində aparılan elmi tədqiqatlar və onların müxtəlif tətbiq istiqamətləri ətrafında geniş fikir mübadiləsi aparılıb. Müzakirələrdə yüksək tutumlu kondensatorlar sahəsində birgə elmi tədqiqatların həyata keçirilməsi, yeni əməkdaşlıq imkanlarının yaradılması, həmçinin elektrokimyəvi çökdürmə (elektrodepozisiya) üsulu ilə materialların sintezi və formalaşdırılması istiqamətində aparılan işlər nəzərdən keçirilib.
Fizika İnstitutunun nümayəndələri institutda CdZnTe əsaslı detektorlar və plazma fotodetektorları istiqamətində həyata keçirilən elmi-tədqiqat işləri və əldə olunan uğurlu nəticələr barədə ətraflı məlumat veriblər. Bununla yanaşı, TiO₂ əsaslı kondensator strukturlarının hazırlanması sahəsində birgə elmi tədqiqatların aparılması və bu istiqamətdə əməkdaşlığın genişləndirilməsi ilə bağlı təkliflər səsləndirilib.
Görüşdə həmçinin termoelektrik materiallar, nanoelektronika üçün funksional materiallar və infraqırmızı (IR) diapazonda işləyən fotodetektorlar üzrə aparılan tədqiqatlar, eləcə də bu istiqamətlərdə gələcək birgə elmi layihələrin reallaşdırılması imkanları müzakirə olunub.

FİZİKA İNSTİTUTUNDA İNNOVASİYA VƏ TEXNOLOGİYALARIN TRANSFERİ OFİSİ İLƏ LABORATORİYA ƏMƏKDAŞLARI ARASINDA SİLSİLƏ GÖRÜŞLƏ...
15/07/2026

FİZİKA İNSTİTUTUNDA İNNOVASİYA VƏ TEXNOLOGİYALARIN TRANSFERİ OFİSİ İLƏ LABORATORİYA ƏMƏKDAŞLARI ARASINDA SİLSİLƏ GÖRÜŞLƏR DAVAM EDİR.
15 iyul 2026-cı il tarixində Elm və Təhsil Nazirliyi Fizika İnstitutu PHŞ-də İnnovasiya və Texnologiyaların Transfer Ofisinin (TTO) əməkdaşları ilə “Yarımkeçiricilər və yarımkeçirici nanostrukturlar” laboratoriyasının əməkdaşları arasında növbəti görüş keçirilib.
İclası giriş sözü ilə açan TTO-nun rəhbəri Namiq Heydərov iştirakçılara TTO-nun fəaliyyət istiqamətləri, əsas məqsədləri və elmi nəticələrin innovativ məhsullara çevrilməsi istiqamətində həyata keçirilən işlər barədə ətraflı məlumat verib.
Daha sonra laboratoriyanın baş elmi işçisi, professor Hüseyn İbrahimov laboratoriyanın fəaliyyət istiqamətləri haqqında geniş təqdimatla çıxış edib. O, yarımkeçirici nanostrukturlarda kvant məftilləri və kvant çuxurlarında kinetik və optik xassələrin öyrənilməsi istiqamətində aparılan tədqiqatlar, həmçinin laboratoriyada əldə olunmuş patentlər və onların tətbiq perspektivləri barədə ətraflı məlumat verib.
Görüş qarşılıqlı diskussiya və fikir mübadiləsi şəraitində davam edib, iştirakçıları maraqlandıran suallar cavablandırılıb.
Tədbirin sonunda TTO-nun rəhbəri Namiq Heydərov iştirakçılara təşəkkürünü bildirərək onlara gələcək elmi fəaliyyətlərində uğurlar arzulayıb. O, bu cür görüşlərin institut daxilində əməkdaşlığın genişlənməsinə, innovativ ideyaların təşviqinə və elmi nəticələrin sənayeyə transferinə mühüm töhfə verdiyini vurğulayıb.

FİZİKA İNSTİTUTUNDA İNNOVASİYA VƏ TEXNOLOGİYALARIN TRANSFERİ OFİSİ İLƏ LABORATORİYA ƏMƏKDAŞLARI ARASINDA SİLSİLƏ GÖRÜŞLƏ...
13/07/2026

FİZİKA İNSTİTUTUNDA İNNOVASİYA VƏ TEXNOLOGİYALARIN TRANSFERİ OFİSİ İLƏ LABORATORİYA ƏMƏKDAŞLARI ARASINDA SİLSİLƏ GÖRÜŞLƏR DAVAM EDİR.
13 iyul 2026-cı il tarixində Elm və Təhsil Nazirliyi Fizika İnstitutu PHŞ-də İnnovasiya və Texnologiyaların Transfer Ofisinin (TTO) əməkdaşları ilə “Funksional materiallar fizikası” laboratoriyasının əməkdaşları arasında növbəti görüş keçirilib.
İclası giriş sözü ilə açan TTO-nun rəhbəri Namiq Heydərov ofisin fəaliyyət istiqamətləri, əsas məqsədləri və elmi nəticələrin innovativ məhsullara çevrilməsi istiqamətində həyata keçirilən işlər barədə iştirakçılara ətraflı məlumat verib.
Daha sonra “Funksional materiallar fizikası” laboratoriyasının müdiri, f.ü.f.d. Elşən Əsədov laboratoriyanın fəaliyyət istiqamətləri haqqında geniş təqdimatla çıxış edib. O, yarımkeçirici materialların lüminessensiya xassələrinin tədqiqi, funksional materialların sintezi, eləcə də onların müxtəlif tətbiq istiqamətləri barədə ətraflı məlumat verib.
Ardınca laboratoriyanın baş elmi işçisi, f.ü.f.d. Bəxtiyar Salmanov nanoməsaməli fotodetektorlar və plazma şüalanmasının tədqiqi istiqamətində aparılan elmi araşdırmalar haqqında təqdimatla çıxış edib. Daha sonra laboratoriyanın əməkdaşları f.ü.f.d. Niyazi Mursakulov, f.ü.f.d. Vüsalə Kazımova öz elmi fəaliyyət istiqamətləri və həyata keçirdikləri tədqiqatlar barədə iştirakçıları məlumatlandırıblar.
Görüş qarşılıqlı diskussiya və fikir mübadiləsi şəraitində davam edib, iştirakçıları maraqlandıran suallar cavablandırılıb.
Tədbirin sonunda laboratoriyanın müdiri Elşən Əsədov və TTO-nun rəhbəri Namiq Heydərov iştirakçılara təşəkkürlərini bildirərək bu cür görüşlərin institut daxilində elmi əməkdaşlığın gücləndirilməsi, innovativ ideyaların təşviqi və elmi nəticələrin sənayeyə transferi baxımından mühüm əhəmiyyət daşıdığını vurğulayıblar.

Address

Baku

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

0125372365

Website

Alerts

Be the first to know and let us send you an email when Fizika İnstitutu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Fizika İnstitutu:

Shortcuts

Share

Category