Koha Avtomatlaşdırılmış Kitabxana İnformasiya Sistemi

17/09/2026

Mərkəzi Kitabxanada görkəmli Azərbaycan yazıçısı və dramaturqu Yusif Səmədoğlunun 90 illik yubileyinə həsr olunmuş tədbir keçirilib.
Tədbirdə kitabxana əməkdaşları və Orxan Əkbərov adına Uşaq İncəsənət məktəbinin şagirdləri iştirak ediblər.
Tədbirdə Yusif Səmədoğlunun həyat və yaradıcılığından, Azərbaycan ədəbiyyatında tutduğu mövqedən və zəngin ədəbi irsindən bəhs edilib. Yazıçının əsərləri haqqında məlumat verilib, yaradıcılığının əsas xüsusiyyətləri diqqətə çatdırılıb.
Tədbir zamanı Yusif Səmədoğlunun əsərlərindən parçalar səsləndirilib və yazıçının kitablarından ibarət kitab sərgisi nümayiş etdirilib.

09/09/2026

Mərkəzi Kitabxanada Beynəlxalq Sülh Gününə həsr olunmuş tədbir keçirilib. Tədbirdə kitabxana əməkdaşları sülhün bəşəriyyət üçün önəmindən və kitabxanaların maarifləndirmə işindəki rolundan bəhs ediblər.
Tədbir çərçivəsində mövzuya dair kitab sərgisi nümayiş olunub və oxucularla maarifləndirici söhbətlər aparılıb.

31/08/2026

Mərkəzi Kitabxanada “Asudə vaxt və mütaliə” mövzusunda tədbir keçirilib.

28/08/2026

28/08/2026

Zəfər parkında “Gənclərlə mütaliə və melodiya” adlı kitab sərgisi keçirilib
28 avqust 2026-cı il tarixində Xaçmaz şəhərindəki Zəfər parkında “Gənclərlə mütaliə və melodiya” adlı kitab sərgisi keçirilib. Xaçmaz Rayon İcra Hakimiyyəti, Yeni Azərbaycan Partiyası Xaçmaz rayon təşkilatı, Quba-Xaçmaz Regional Gənclər və İdman İdarəsi və Quba-Xaçmaz Regional Mədəniyyət İdarəsinin təşkilatçılığı ilə keçirilən tədbirdə gənclər üçün müxtəlif kitablarla tanış olmaq və onları seçmək imkanı yaradılıb. Tədbirin keçirilməsində məqsəd Xaçmazda gənclərin mütaliəyə marağının artırılması, kitab oxumaq mədəniyyətinin təşviqi və onların asudə vaxtının səmərəli təşkilidir.
Tədbirdə Xaçmaz rayon Mərkəzləşdirilmiş Kitabxana Sisteminə yeni daxil olmuş ədəbiyyatlar, həmçinin yerli yazarlara məxsus kitablar nümayiş etdirilib, Heydər Əliyev adına Xaçmaz rayon Mədəniyyət Mərkəzinin, Xaçmaz Dövlət Rəsm Qalereyasını, Xaçmaz Dövlət Peşə Təhsil Mərkəzinin rəsm və əl işləri sərgilənib. Həmçinin Xaçmaz Tarix-diyarşünaslıq muzeyi tərəfindən foto guşə yaradılıb.
Sərgi çərçivəsində canlı musiqi və melodiya, Xaçmaz Xalq teatrı tərəfindən mövzuya həsr edilmiş səhnəcik, “60 saniyədə kitab” təqdimatı, interaktiv oyunlar və digər maraqlı fəaliyyətlər həyata keçirilib. Tədbirdə fəal iştirakçılara kitablar hədiyyə edilib.

24/08/2026

Gəncə şəhər Heydər Əliyev Mərkəzi, Gənclərin İnkişaf və Karyera Mərkəzinin Gəncə-Daşkəsən Regional nümayəndəliyi və Gəncə şəhər Mərkəzləşdirilmiş Kitabxana Sisteminin 16 nömrəli kitabxana filialının təşkilatçılığı ilə Azərbaycan Respublikası Prezidentinin sərəncamına əsasən Azərbaycan Respublikasında 2026-cı il “Şəhərsalma və Memarlıq İli” elan edilməsi ilə əlaqədar tədbir keçirilib.
Kitabxananın əməkdaşı tədbir iştirakçılarına "Şəhərsalma və Memarlıq ili" mahiyyəti haqqında məlumat verib.
Bildirib ki, Azərbaycanın çoxəsrlik şəhərsalma mədəniyyətinin yaşadılması və müasir mütərəqqi yanaşmaların tətbiqi məqsədilə həyata keçirilən layihələr nəzərdə tutulub. Çıxış edənlər vurğulayıblar ki, həyata keçirilən layihələr nəticəsində şəhərlərimiz daha gözəl, müasir, yaşıl və insanların rahat yaşayacağı məkanlara çevriləcək.
Azərbaycanın işğal altında qalmış ərazilərində uzun illər ərzində şəhər və kəndlərimizə, tarixi-mədəni abidələrimizə, dini və memarlıq irsimizə böyük ziyan vurulmuşdur. Qarabağ və Şərqi Zəngəzurda yerləşən bir çox yaşayış məntəqələri dağıdılmış, evlər, məktəblər, xəstəxanalar, kitabxanalar və digər sosial obyektlər məhv edilmişdir.
Bu baxımdan "Şəhərsalma və Memarlıq İli" həm də dağıntıların yerində müasir, təhlükəsiz və dayanıqlı yaşayış məkanlarının yaradılması istiqamətində görülən işlərin əhəmiyyətini bir daha nümayiş etdirir.

21/08/2026

21/08/2026

Şəhər 3 saylı Uşaq bağçasında nağl saatı keçirilib
Avqustun 21-də Masallı rayon Mərkəzi Kitabxanasının Uşaq şöbəsinin əməkdaşları tərəfindən şəhər 3 saylı uşaq bağçasında uşaqların mütaliəyə marağının artırılması, onların dünyagörüşünün və təxəyyülünün inkişaf etdirilməsi məqsədilə nağıl saatı keçirilib.
Tədbir zamanı kitabxana əməkdaşı Esmira Ağarzayeva uşaqlara maraqlı nağıl oxuyub. Nağılın məzmunu uşaqların diqqətinə çatdırılıb, obrazlar və hadisələr haqqında onlarla söhbət aparılıb.
Balacalar nağılı böyük maraqla dinləyib, mövzu ilə bağlı fikirlərini bölüşüblər. Səmimi və əyləncəli şəraitdə keçən nağıl saatı uşaqlarda kitaba və mütaliəyə marağın formalaşmasına müsbət təsir göstərib.

18/08/2026

Sərhəd Qoşunları Günü ilə əlaqədar şəhid ailəsi ziyarət olunub

18 avqust – Sərhəd Qoşunları Günü ilə əlaqədar Oğuz rayon MKS-nin 23 nömrəli Xaçmaz kənd kitabxana filialının əməkdaşı Dövlət Sərhəd Xidmətinin Sərhəd Qoşunlarının kiçik giziri, Vətən müharibəsi şəhidi, Vətən Müharibəsi Qəhrəmanı Nail İbrahimlinin ailəsini ziyarət edib.

Ziyarət zamanı Nail İbrahimlinin ailə üzvləri onun həyat yolu, Vətənə və xalqa bağlılığı, keçdiyi döyüş yolu və göstərdiyi qəhrəmanlıq haqqında xatirələrini bölüşüblər.
Şəhidimizin əziz xatirəsi daim ehtiramla yad ediləcək.
Allah bütün şəhidlərimizə rəhmət eləsin! Ruhları şad olsun!