Koha Avtomatlaşdırılmış Kitabxana İnformasiya Sistemi

Koha Avtomatlaşdırılmış Kitabxana İnformasiya Sistemi Mərkəzləşdirilmiş Kitabxana Sistemi — müasir Koha platforması əsasında fəaliyyət göstərən rəqəmsal kitabxana xidmətidir.

Burada kitab axtarışı, qeydiyyat və kitabxana xidmətlərindən onlayn istifadə mümkündür.

Sərhəd Qoşunları Günü ilə əlaqədar şəhid ailəsi ziyarət olunub18 avqust – Sərhəd Qoşunları Günü ilə əlaqədar Oğuz rayon ...
18/08/2026

Sərhəd Qoşunları Günü ilə əlaqədar şəhid ailəsi ziyarət olunub

18 avqust – Sərhəd Qoşunları Günü ilə əlaqədar Oğuz rayon MKS-nin 23 nömrəli Xaçmaz kənd kitabxana filialının əməkdaşı Dövlət Sərhəd Xidmətinin Sərhəd Qoşunlarının kiçik giziri, Vətən müharibəsi şəhidi, Vətən Müharibəsi Qəhrəmanı Nail İbrahimlinin ailəsini ziyarət edib.

Ziyarət zamanı Nail İbrahimlinin ailə üzvləri onun həyat yolu, Vətənə və xalqa bağlılığı, keçdiyi döyüş yolu və göstərdiyi qəhrəmanlıq haqqında xatirələrini bölüşüblər.
Şəhidimizin əziz xatirəsi daim ehtiramla yad ediləcək.
Allah bütün şəhidlərimizə rəhmət eləsin! Ruhları şad olsun!

Oğuz rayon Mərkəzi Kitabxanasına yeni kitablar hədiyyə edilib Mərhum yazıçı Əzizə xanım Cəfərzadənin oğlu, Turan İbrahi...
14/08/2026

Oğuz rayon Mərkəzi Kitabxanasına yeni kitablar hədiyyə edilib

Mərhum yazıçı Əzizə xanım Cəfərzadənin oğlu, Turan İbrahimov Oğuz rayon Mərkəzi Kitabxanasının qonağı olub.
Turan İbrahimov Əzizə xanım Cəfərzadənin son illərdə nəşr olunan külliyyatını və topladığı əsərlərin məcmusunu kitabxanaya bağışlayıb.
Turan İbrahimov texnika elmləri üzrə fəlsəfə doktoru olsa da, ədəbiyyata, musiqiyə son dərəcə bağlı bir insandır. Anası Əzizə xanım da bədii yaradıcılığı ilə yanaşı elmi işləri, araşdırmaları və tədqiqatları ilə də bir çox işlər görüb. Hələ bir neçə cildə sığacaq yazıları, məqalələri, povest və romanları öz nəşrini gözləyir.
Abdulla Padarlının şeirlərini də ilk dəfə kitab halında Əzizə xanım nəşr etdirib. "Seçilmiş şeirlər" adlı bu kitab 1979-cu ildə işıq üzü görüb. Ondan bir il əvvəl isə Əzizə xanım daha bir oğuzlu şair Mücrüm Kərim Vardaninin şeirlərini toplayaraq "Sünbülüstan" adlı kitab şəklində nəşr etdirib.
Turan müəllimin hədiyyə etdiyi kitablardan bir neçəsinin adını qeyd edirik. Əzizə Cəfərzadənin "Seçilmiş əsərləri (I–XVII)”, Ə. Cəfərzadənin "Elmi əsərləri (I–VII)”, “Anamın nağılları”, “Hun dağı”, “Səyyah”, “Eşq sultanı”, “Vətənə qayıt”, “Natəvan hekayələri" və digər əsərləri. Həmçinin Aygül Cəfərzadənin "Ürəyimin qəm notları”, Ayna Babazadənin " Əzizə Cəfərzadənin nəsri: Tarixi gerçəklik və bədii təsvir”, Gülhüseyn Kazımlı "İnsanın dərki”, Şəyavuş Məmmədzadə " Həqiqət sorağında”, Gülsumxanım Hasılova "Əzizə Cəfərzadə və folklor”, Baba bəy Şakir "Əsərləri” və s.
Belə dəyərli kitabları kitabxanamıza hədiyyə edən Turan İbrahimova təşəkkür edirik. İnanırıq ki, yeni gələn kitablar oxucularımız tərəfindən böyük maraq və rəğbətlə qarşılanacaq.

"Gələcək gənclərindir" adlı maarifləndirici tədbir keçirilib12 Avqust – Beynəlxalq Gənclər Günü münasibətilə İsmayıllı r...
13/08/2026

"Gələcək gənclərindir" adlı maarifləndirici tədbir keçirilib

12 Avqust – Beynəlxalq Gənclər Günü münasibətilə İsmayıllı rayon Mərkəzləşdirilmiş Kitabxana Sistemi və Dağlıq Şirvan Regional Gənclər və İdman İdarəsinin birgə təşkilatçılığı ilə "Gələcək gənclərindir" adlı maarifləndirici tədbir keçirilib.

Tədbirdə İsmayıllı rayon MKS-nin direktoru Orxan Ağayev, Dağlıq Şirvan Regional Gənclər və İdman İdarəsinin rəis müavini Fərhad Qurbanov, Dağlıq Şirvan Regional Mədəniyyət İdarəsinin aparıcı məsləhətçisi Mursaliyeva Nilufər, Heydər Əliyev adına Mədəniyyət Mərkəzinin direktoru Teymur Əziz, İsmayıllı rayon MKS-nin direktor müavini Ruhiyyə Mirzəyeva, İnformasiya-resurs şöbəsinin müdiri Esmira Mikayılova və kitabxananın əməkdaşı Leyla Şirinova çıxış ediblər.

Çıxışlarda Ümummilli Lider Heydər Əliyevin gənclərə göstərdiyi xüsusi diqqət və qayğıdan, 2 fevralın Azərbaycan Gəncləri Günü elan edilməsi ilə bağlı imzaladığı sərəncamın əhəmiyyətindən bəhs olunub.

Gənclərin fəaliyyətinin artırılması, onların inkişafı və ictimai həyata daha fəal cəlb olunması məqsədilə müxtəlif forumların, layihələrin, maarifləndirici tədbirlərin keçirildiyi diqqətə çatdırılıb.
Həmçinin narkomaniyaya qarşı mübarizə, sağlam həyat tərzinin təbliği və gənclərin zərərli vərdişlərdən uzaq tutulması istiqamətində görülən işlərdən danışılıb. Regionda gənclərə göstərilən diqqət və qayğı xüsusi vurğulanıb.

Tədbirdə kitabxananın gənclərin həyatındakı rolundan da bəhs edilib. Kitabxanada fəaliyyət göstərən mütaliə klubunun, təşkil olunan kitab sərgilərinin, müzakirə və maarifləndirici görüşlərin gənclərin mütaliəyə marağının artırılmasına, dünyagörüşünün zənginləşməsinə mühüm töhfə verdiyi qeyd olunub.

Sonda gənclərə möhkəm cansağlığı, fəaliyyətlərində uğurlar, parlaq gələcək və yeni nailiyyətlər arzulanıb.

"Şəhərsalma və memarlıq ili" ilə bağlı dəyirmi masa keçirilib.12 avqust 2026-cı il tarixində Mil-Muğan Regional Mədəniyy...
12/08/2026

"Şəhərsalma və memarlıq ili" ilə bağlı dəyirmi masa keçirilib.

12 avqust 2026-cı il tarixində Mil-Muğan Regional Mədəniyyət İdarəsi Beyləqan rayon Mərkəzləşdirilmiş Kitabxana Sisteminin Allahyarlı kənd kitabxana filialının təşkilatçılığı ilə Allahyarlı kənd tam orta ümumtəhsil məktəbində "Şəhərsalma və memarlıq ili" ilə əlaqədar "Şəhərsalma və memarlıq keçmişdən gələcəyə" adlı tədbir keçirilib.

Tədbirdə Allahyarlı kənd kitabxana filialının müdiri Fəxriyyə Məhərrəmova və Allahyarlı kənd tam orta ümumtəhsil məktəbinin direktor müavini Sevinc Quliyeva mövzu ilə bağlı məlumat veriblər.

Çıxış zamanı qeyd edilib ki, Azərbaycan qədim şəhərsalma və memarlıq ənənələrinə malik ölkələrdən biridir. Tarixi abidələrimiz xalqımızın keçmişini, mədəniyyətini və milli dəyərlərini özündə əks etdirir.

Tədbirdə İçərişəhər, Qız qalası, Şirvanşahlar Sarayı və Azərbaycanın digər tarixi-memarlıq nümunələri haqqında məlumat verilib. Eyni zamanda müasir şəhərsalmanın əsas məqsədləri insanların rahat yaşayışının təmin edilməsi, şəhərlərin abadlaşdırılması, yaşıllıqların artırılması və tarixi irsin qorunması barədə danışılıb.

İştirakçılar mövzu ilə bağlı çıxışlar ediblər, qonaqları maraqlandıran suallar cavablandırılıb.

Sonda Allahyarlı kənd tam orta ümumtəhsil məktəbinin şagirdlərinin əl işləri nümayiş olunub.

Beyləqanda 12 Avqust – Beynəlxalq Gənclər Günü qeyd olunub.12 avqust 2026-cı il tarixdə Beyləqan Rayon İcra Hakimiyyətin...
12/08/2026

Beyləqanda 12 Avqust – Beynəlxalq Gənclər Günü qeyd olunub.

12 avqust 2026-cı il tarixdə Beyləqan Rayon İcra Hakimiyyətinin, Mil-Muğan Regional Mədəniyyət İdarəsinin rayon üzrə mədəniyyət müəssisələrinin, Mil-Muğan Regional Gənclər və İdman İdarəsinin Beyləqan rayon gənclər və idman sektorunun və rayon Gənclər Evinin birgə təşkilatçılığı ilə gənclərin ictimai fəallığının artırılması, onların asudə vaxtının səmərəli təşkili, vətənpərvərlik ruhunda tərbiyəsi və ekoloji maarifləndirilməsi məqsədilə tədbir keçirilib.

İlk öncə Ulu Öndər Heydər Əliyev Mərkəzinin ekspozisiya zalına baxış keçirilib, Ümummilli Liderin zəngin dövlətçilik irsi, Azərbaycan gənclərinə göstərdiyi diqqət və qayğı, gənclərin ölkənin ictimai-siyasi və sosial həyatında fəal iştirakının təmin olunması istiqamətində həyata keçirdiyi mühüm tədbirlər barədə iştirakçılara ətraflı məlumat verilib.

Dəyirmi masa ətrafında davam edən tədbirdə Ümummilli lider Heydər Əliyevin və torpaqlarımızın azadlığı uğrunda həlak olmuş qəhrəman şəhidlərimizin əziz xatirəsi ehtiramla yad edilib.

Beyləqan rayon İHB-nın müavini Yeganə Məmmədova tədbiri açaraq iştirakçıları salamlayıb və Beynəlxalq Gənclər Gününün əhəmiyyəti, ölkəmizdə gənclər siyasətinin prioritet istiqamətləri, gənclərin qarşısında duran vəzifələr və onların cəmiyyətin inkişafındakı rolu barədə məlumat verib, gəncləri təbrik edərək onlara təhsildə, əmək fəaliyyətində və ictimai həyatda uğurlar, yeni nailiyyətlər və parlaq gələcək arzulayıb.

Mil-Muğan Regional Gənclər və İdman İdarəsinin Beyləqan rayon gənclər və idman sektorunun müdiri Sənan Quliyev, Heydər Əliyev Mərkəzinin direktoru Xəyalə Kərimova, rayon Mədəniyyət Mərkəzinin direktoru Fikrət Ağayev və digər çıxış edənlər dövlət gənclər siyasətindən, Azərbaycan gəncliyinin uğurlu gələcəyindən söz açıb və gəncləri bu əlamətdar gün münasibəti ilə təbrik ediblər.

Gənclər də öz növbəsində söz alaraq, onlara yaradılan imkanlara görə dövlət başçısına minnətdarlıqlarını ifadə ediblər.

Tədbirin növbəti hissəsində Heydər Əliyev Parkında gənclərin fəal iştirakı ilə ekoloji aksiya keçirilib, ərazidə təmizlik işləri aparılıb, ətraf mühitin qorunması və ekoloji mədəniyyətin formalaşdırılması ilə bağlı maarifləndirici fikirlər səsləndirilib. Aksiya gənclərin sosial məsuliyyətinin və ictimai fəallığının nümayişi baxımından xüsusi əhəmiyyət kəsb edib.

Tədbirin sonunda gənclərin asudə vaxtının səmərəli və maraqlı təşkili məqsədilə park ərazisində çay süfrəsi və konsert proqramı təşkil olunub.

Tədbir gənclərin maarifləndirilməsi, ictimai və sosial fəallığının dəstəklənməsi, eyni zamanda da səmimi fikir mübadiləsi aparılması baxımından yaddaqalan olub.

MASALLIDA “GƏLƏCƏYƏ SÖZÜMÜZ VAR!” ADLI TƏDBİR KEÇİRİLİB Avqustun 12-də Masallı rayon Mərkəzi Kitabxanasında 12 Avqust ...
12/08/2026

MASALLIDA “GƏLƏCƏYƏ SÖZÜMÜZ VAR!” ADLI TƏDBİR KEÇİRİLİB

Avqustun 12-də Masallı rayon Mərkəzi Kitabxanasında 12 Avqust – Beynəlxalq Gənclər Günü münasibətilə “Gələcəyə sözümüz var!” tədbir keçirilib.
Tədbirdə çıxış edən kitabxananın baş biblioqrafı Günay Xəlilova Beynəlxalq Gənclər Gününün əhəmiyyətindən danışıb, gənclərin cəmiyyətin inkişafında rolunu vurğulayıb. O, həmçinin gənclər arasında mütaliə mədəniyyətinin formalaşdırılması, kitaba və mütaliəyə marağın artırılmasının vacibliyini qeyd edib.

Daha sonra kitabxananın böyük kitabxanaçısı Aidə Quliyeva mövzu ilə bağlı məruzə ilə çıxış edib. Məruzədə gənclərin təhsil, mədəniyyət və ictimai həyatda fəal iştirakı, onların dünyagörüşünün formalaşmasında mütaliənin rolu barədə fikirlər səsləndirilib.
Tədbir iştirakçıları da çıxış edərək gənclərin qarşısında duran vəzifələr, mütaliənin əhəmiyyəti və kitabxananın gənclərin asudə vaxtının səmərəli təşkilində rolu barədə fikirlərini bölüşüblər. Tədbirin sonunda mövzu ətrafında səmimi fikir mübadiləsi və söhbət davam etdirilib.

Sonda gənclər ələmatdar gün münasibətilə təbrik olunub, tədbirdə fəal iştirak edən gənclərə təşəkkürnamələr təqdim olunub.

10 avqust 2026-cı il tarixdə Goranboy rayon Heydər Əliyev Mərkəzində Heydər Əliyev Mərkəzi, Mərkəzi Kitabxana və Şəhər K...
11/08/2026

10 avqust 2026-cı il tarixdə Goranboy rayon Heydər Əliyev Mərkəzində Heydər Əliyev Mərkəzi, Mərkəzi Kitabxana və Şəhər Kitabxana filialının birgə təşkilatçılığı ilə Mülki Müdafiə Günü ilə əlaqədar “Mülki müdafiə bilikləri – təhlükəsiz gələcəyimiz” mövzusunda konfrans keçirilib.
Tədbirin keçirilməsində əsas məqsəd fövqəladə hallar zamanı düzgün davranış qaydalarının izah edilməsi, təhlükəsizlik tədbirlərinə əməl olunmasının vacibliyinin diqqətə çatdırılması və xüsusilə gənclər arasında mülki müdafiə biliklərinin artırılması olmuşdur.
Konfransda çıxış edənlər mülki müdafiənin əhəmiyyətindən, fövqəladə hallar zamanı insanların həyat və sağlamlığının qorunması istiqamətində görülən tədbirlərdən danışdılar. Bildirildi ki, zəlzələ, yanğın, sel, daşqın və digər təbii və texnogen xarakterli hadisələr zamanı düzgün və çevik davranış qaydalarını bilmək insanların təhlükəsizliyinin təmin olunmasında mühüm rol oynayır.
Çıxışlarda fövqəladə vəziyyətlər zamanı təşvişə qapılmamaq, təhlükəsiz əraziyə düzgün istiqamətdə hərəkət etmək, ilkin yardım qaydalarını bilmək, təxliyə zamanı təhlükəsizlik tələblərinə riayət etmək və aidiyyəti qurumların göstərişlərinə əməl etmək kimi vacib məqamlar xüsusi vurğulandı.

Oğuz rayonunda "Bugünkü gənclik gələcəyin qurucularıdır" adlı tədbir keçirilib6 avqust 2026-cı il tarixində Oğuz rayon M...
06/08/2026

Oğuz rayonunda "Bugünkü gənclik gələcəyin qurucularıdır" adlı tədbir keçirilib

6 avqust 2026-cı il tarixində Oğuz rayon MKS-nin 20 nömrəli Sincan kənd kitabxanası və Şəki- Zaqatala Regional Gənclər və İdman İdarəsinin Oğuz rayonu üzrə gənclər və idman sektorunun təşkilatçılığı ilə kitabxanada 12 avqust Beynəlxalq Gənclər Gününə həsr edilmiş "Bugünkü gənclik gələcəyin qurucularıdır" adlı dəyirmi masa təşkil edilib.

Tədbirdə Sincan kənd icra nümayəndəliyi, kitabxananın fəal oxucuları, tələbə gənclər və qonaqlar iştirak edib.
Həmişə gənc qalan, bu günləri bizə bəxş edən, Azərbaycanın müstəqilliyi, torpaqlarımızın bütövlüyü yolunda öz əziz canlarını fəda edən şəhidlərin əziz xatirəsi yad edilib.

Sonra kitabxana müdiri Beynəlxalq Gənclər Günü ilə bağlı məlumat verib, gənclərə uğurlar, xoş günlər, firavan həyat arzulayıb. Tədbirdə Oğuz rayon Gənclər və İdman sektorunun müdiri Şaiq Rüstəmov, məsləhətçisi Elvin Qarayev, Uşaq Hüquqlarının Müdafiəsi üzrə Komitəsinin məsləhətçi- psixoloqu Əhməd Ağababayev çıxış edərək gənclər gününün tarixindən , əhəmiyyətindən, Ulu Öndərin gənclər siyasətindən danışıb, gənclərə xoş arzularını bildiriblər.

Tədbirdə Sincan icra nümayəndəliyinin müavini, İkinci Qarabağ müharibəsinin veteranı Sənan Rəşidli gənclərə təhsildə və həyatda uğurlar arzulayıb.
Tələbə gənclər çıxış edərək Vətən üçün verəcəkləri töhfələrdən danışıb, bu görüşdən məmnun qalıblar.
Sonda kitabxana müdiri yay tətili günlərini səmərəli keçirmək və gəncləri kitaba, mütaliəyə cəlb etmək yolunda keçirilən bu tədbir üçün Oğuz rayon gənclər və idman sektoru əməkdaşlarına təşəkkür edib.

Goranboyda “Azərbaycan Əlifbası və Azərbaycan Dili Günü” ilə bağlı tədbir keçirilib.Goranboy Rayon İcra Hakimiyyəti və G...
03/08/2026

Goranboyda “Azərbaycan Əlifbası və Azərbaycan Dili Günü” ilə bağlı tədbir keçirilib.

Goranboy Rayon İcra Hakimiyyəti və Gəncə-Daşkəsən Regional Mədəniyyət İdarəsinin Goranboy rayon mədəniyyət müəssisələrinin birgə təşkilatçılığı ilə 1 Avqust – “Azərbaycan Əlifbası və Azərbaycan Dili Günü” münasibətilə tədbir keçirildi.
Tədbir çərçivəsində Azərbaycan dilinin zənginliyini, milli-mənəvi dəyərlərimizin qorunmasında və gələcək nəsillərə ötürülməsində ana dilinin mühüm rolunu əks etdirən nəşrlərdən ibarət kitab sərgisi təşkil olundu.
Sonda məktəblilər Azərbaycan dilinə həsr olunmuş şeirlər söylədilər.

Ana dilimiz - milli varlığımız. İyulun 31-də Cəlilabad rayon Mərkəzi Kitabxanasında (Azərbaycan Əlifbası və Azərbaycan D...
01/08/2026

Ana dilimiz - milli varlığımız.

İyulun 31-də Cəlilabad rayon Mərkəzi Kitabxanasında (Azərbaycan Əlifbası və Azərbaycan Dili Günü ilə əlaqədar dəyirmi masa keçirilib.

Dəyirmi masada MKS-nin əməkdaşları və Cəlilabad rayon şəhid Mirlətif Ağayev adına Təbib tibb kursunun tələbələri iştirak ediblər.

İlk öncə Ulu öndər Heydər Əliyevin və torpaqlarımızın azadlığı uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Sonra natiqlər çıxış edərək bildiriblər ki, Azərbaycan xalqı hər il 1 avqust tarixini Azərbaycan Əlifbası və Azərbaycan Dili Günü kimi qeyd edir. Bu əlamətdar bayram Ümummilli Lider Heydər Əliyevin 2001-ci il 9 avqust tarixli Fərmanı ilə təsis edilmişdir. Bu mühüm günün qeyd olunmasının əsas tarixi səbəbi latın qrafikalı əlifbaya keçidin tamamlanması və Azərbaycan dilinin dövlət dili kimi inkişaf etdirilməsidir. Ulu Öndər Heydər Əliyevin imzaladığı sənədə əsasən, əsası XX əsrin əvvəllərində qoyulmuş latın qrafikalı Azərbaycan əlifbasına tam keçid təmin edildi. Bu gün təkcə əlifba dəyişikliyini deyil, həm də ana dilimizin saflığının qorunması, zənginləşdirilməsi və dövlət dili kimi beynəlxalq nüfuzunun artırılmasını simvolizə edir. Bu addım Azərbaycan xalqının öz mədəni köklərinə bağlılığını, eyni zamanda müasir qlobal dünyada inteqrasiyasını və elmi-mədəni inkişafını gücləndirmişdir.

Yekunda tədbir iştirakçıları mövzu ilə əlaqədar öz fikirlərini ifadə ediblər.

Address

Xagani, 57
Baku
AZ1000

Website

Alerts

Be the first to know and let us send you an email when Koha Avtomatlaşdırılmış Kitabxana İnformasiya Sistemi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category