11/10/2025
Seat Belt Safety මගින් ජීවිත බේරෙන හැටි!
ඔයාලා දන්නවද, දැනට ලෝකේ සහ ලංකාවේ තියෙන මාර්ග අනතුරු වලින් වැඩි ප්රමාණයකදී ආසන පටි නොපලදින මගීන්ට වෙන හානිය වැඩි බව. ආසන පටි කියන්නේ බොහොම සරල උපකරණයක්.— නමුත් එක තමා ජීවිත බේරවන වැදගත් ආරක්ෂිත මෙවලමක්! ❤️
ආසන පටි කියන්නෙ මොකක්ද?
ආසන පටි කියන්නෙ වාහන වල ගමන් කරන මිනිස්සුන්ගේ ආරක්ෂාවට තියෙන ආරක්ෂිත මෙවලමක්.
අනතුරක් වෙද්දි, ආසන පටි විසින් ශරීරය ඉදිරියට විසිවෙලා dashboard එකට හෝ වීදුරුවට ගැටෙන එක අඩු කරනවා.
ඒ කියන්නෙ — වාහනය නතර වුනත්, ඔයාගේ ඇගේ තියෙන ගම්යතාවය නිසා ඔයාට වෙන හානිය ආවම කරන මෙවලමක්. එක නිසා ඇති වෙන්න පුලුවන් ආබාධ අවම වෙනවා. විශේෂයෙන් හිස, බෙල්ල සහ පපුව ප්රදේශවල.
ආසන පටි වැඩ කරන හැටි
1. අනතුරක් වෙද්දි, වාහනයේ වේගයත් එක්ක ශරීරයත් ඉදිරියට උත්සාහ කරනවා.
2. ආසන පටිය එහෙම ඉදිරියට යන්න නොදී තද කරගන්නවා. මේකට විශේෂ යාන්ත්රණයක් තියෙනවා ආසන පටිවල.
3. ඒ නිසා ශරීරය ඉදිරියේ තියෙන සුක්කානමේ හෝ වීදුරුවේ ගැටීමෙන් වලකිනවා. සහ air bag තියෙනවනම් ඒකෙන් ඇති වන ගැස්සීමෙනුත් ආරක්ෂා කරනවා.
අනික් වැදගත්ම දේ තමයි මේ ආසන පටි තියෙන ආසන වලට අනිවාර්යෙන් head rest එකක් තිබිය යුතුමයි. නැත්නම් අනතුරෙන් පස්සේ ආපස්සට ගැස්සිලා සුෂුම්නාව සහ බෙල්ලට හානි වෙන්න පුලුවන්.
සරල තාක්ෂණයක්— හැබැයි බොහොම වැදගත්
ආසන පටි නොදාගෙන යද්දි…
• අනතුරකදි ශරීරය වාහනය ගමන් කරපු වේගයෙන්ම ඉදිරියට විසි වෙනවා.
• පැයට කිලෝමීටර් 30ක වේගයෙන් බිත්තියක ගැටුනොත්, ඒ වෙන ගැටුම සමාන වෙනවා, ගොඩනැගිල්ලකින් එකේ තුන්වෙනි තට්ටුවෙන් වැටෙන එකක් වගේ!
• එකෙන් සෑහෙන්න මාරාන්තික සුව කළ නොහැකි ආබාධ වලට පත්වෙන්න පුලුවන්. මරණය වුවද සිදු වෙන්න පුලුවන්.
• මම හිමින් යනවා කියලා ආසන පටි නොදා ඉන්න එපා. මොකද වේගෙන් ආපු වාහනයක් ඔයාගේ ගැටුනොත් ඔයත් යන්නේ ඒ වේගෙන්ම තමයි.
• නවීන වාහනවල ආසන පටි දාගෙන නොගියොතින්, air bag එක ක්රියාත්මක වුවොත් ඒකෙනුත් හානියක් වෙන්න පුලුවන්. මොකද air bag එක ආරක්ෂිතව වැඩ කරන්න ආසන පටිය අත්යාවශ්යයි.
පසුපස ආසන වල අයත් මතක තියාගන්න!
බොහෝ අය හිතනවා ඉදිරිපස ආසන වල අය විතරක් ආසන පටි දාන්න ඕන කියලා — නෑ 🙅♂️
පසුපස ආසන වල මගීනුත් ආසන පටි පැලඳිය යුතුමයි. මොකද නැත්නමි අනතුරකදි සමහර වෙලාවට රියදුරාටත් වඩා හානියක් වෙනවා.මැතකදි සිදුවුනු දේශපාලඥයාගේ අනතුර මතක අයට මතක ඇති. පිටිපස්සේ ගියපු පොලිසි නිළධාරියත් මිය ගියා.
ළමුන් ගැනත් විශේෂ අවධානයක්
• ළදරුවන් සඳහා විශේෂයෙන්ම car seat එකක් අවශ්යයි.
• 4–10 years දරුවන්ට booster seat එකක්.
• මොකද ආසන පටියක් කුඩා ලමුන්ට පලඳින්න බැහැ. තමුන් තමන්ගේ ළමයට ආදරෙයි නම් අනිවාර්යෙන් මේ ආරක්ෂිත මෙවලව් පාවිච්චි කරන්න ඕන.
🇱🇰 වර්තමානයේ අපේ රටේ තත්වය
• අධිවේගී මාර්ගවල ගමන් ගන්නා සියලුම දෙනා මෙම ආසන පටි පලඳින්න ඕන.
• සියලුම අධිවේගී Bus රථවලත් අනිවා්යෙ කරා. හැබැයි තාමත් මගීන් ඒක නිසි පරිදි පළඳින බවක් නම් පේන්න නෑ. නමුත් භාවිතය අනිවාර්යයි.
• වර්තමාන රජය මේ සඳහා විශේෂ අවධානයක් දීලා තියෙන එක ගැන අපි සතුටු වෙන්න ඕන ඇත්ත වශයෙන්ම. පරක්කු වෙලා හරි නිවැරදි දේ වන එක වටිනවා. 🫡
• අලුත් නීති හැදෙන්න ඕන. විදේශ රට වල එහෙම මගියෙක් ආසන පටි නොමැතිව ගියොත් කෙලින්ම රියදුරුට දඩ ගෙවන්න වෙනවා.
අවසානයේ සාරංශය විදියට ගත්තොත්,
1. හැමෝම ආසන පටි පළඳින්න. පළඳින්නේ නැති අයව දැනුවත් කරලා එයාලවත් හරි මගට ගන්න.
2. විශේෂයෙන් කුඩා ළමුන්ටත් ඒ ආදාල car seat එකක් දාන්න.
3. ආසන පටි වාර්ෂිකව පරික්ෂා කරගන්න කැඩිලද සහ වැඩ කරනවද කියලා. කැඩිලනම් මාරු කරන්න.
"තමන්ට තමන් ආදරේ වෙන්න. එතකොට හැමෝම ආරක්ෂිතයි."
"ආරක්ෂාව පළමුව"
"Click that belt — protect yourself, protect every life in the vehicle!"
