15/02/2026
وخت کم پاتې دى!
#ترکيه
د ۲۰۲۶ كال د لېسانس، ماسټرۍ او دوكتورا په کچه د تركيې د تحصيلي سکالرشیپونو لپاره د نوم ليكنې بهير :
نوم لیکنه: انلاین
نوم لیکنه: د روان کال، فېبروري میاشتې ۲۰ مې نېټې پورې
د تركيې د تحصيلي بورسونو امتیازات:
محصلينو ته مياشتنى جېب خرڅ
استوګنځاى
د پوهنتونونو فيس
وړيا روغتيايي خدمات
د تګ - راتګ او ترانسپورټ لګښتونه
د تركيې د بورسونو لپاره د نوم ليكنې شرايط:
۱- د لېسانس د پروګرامونو لپاره د نوم ليكنې پرمهال د نوماند عمر بايد تر ۲۱ كلونو پورته نه وي. سربېره پر دې د لېسې د دورې د درې كلنو نمرو اوسط يې لږ تر لږه تر ۷۰ سلنې لوړ وي.
۲- د ماسټرۍ د پروګرامونو لپاره د نوماند عمر بايد تر ۳۰ كلونو پورته نه وي. سربېره پر دې د لېسانس د دورې ډيپلوم بايد هم ولري.
۳ - د دوكتورا د پروګرامونو لپاره د نوم ليكنې پرمهال د نوماند عمر بايد تر ۳۵ كلونو پورته نه وي. سربېره پر دې د ماسټرۍ د دورې ډيپلوم بايد هم ولري.
۴- داسې روغتيايي ستونزې و نه لري چې د نوماند د تحصيل مخنيوى وكړي.
د تركيې تحصيلي بوسونو ته د برياليتوب پروسه
د تركيې تحصيلي بورسونو ته د نوماندو زده كوونكو د برياليتوب پروسه دوه مهم پړاوونه لري.
۱ – د نوم ليكنې د شرايطو د پوره كولو او د نوماند د اسنادو د ارزوونې پړاو او ازموينه
۲ – د مصاحبې ( انټرويو) د ترسره كولو پړاو
اړين اسناد
۱ – ډيپلوم يا شهادتنامه
۲- د آزموينو د نمرو سند (د کانکور ازموینه مو که ورکړې وي؛ د ټافل یا ایېلټس ازموینې سند که ولرئ، البته دا حتمي ندي)
۳ – د نمرو ترانسكرېپټ
د لېسانس د بورسونو لپاره د لېسې د درې كلنو نمرو ترانسكرېپټ، د ماسټرۍ او دوكتورا لپاره د لېسانس د دورې د څلور كلنو نمرو ترانسكرېپټ بايد له ځانه سره ولرئ.
۴ – پاسپورټ يا د هويت تذكره.
كه چېرې پاسپورټ لرئ نو د پاسپورټ سكن شوې كاپي او كه يې نه لرئ نو د هويت د تذكرې سكن شوې كاپي.
۵ – يوه قطعه سكن شوى عكس
